Ivar Asheim
Ivar Asheim (fødd 5. august 1927 i Vartdal) er ein norsk doctor theologiae og tidlegare (1970–94) professor i religionspedagogikk og etikk ved Menighetsfakultetet. Han bur i dag på Hosle i Bærum kommune.
| Ivar Asheim | |||
| Fødd | 5. august 1927 Vartdal kommune | ||
|---|---|---|---|
| Død | 11. desember 2020 | ||
| Nasjonalitet | Noreg | ||
| Yrke | professor, teolog | ||
| Barn | Nils Henrik Asheim | ||
| Medlem | Det Norske Videnskaps-Akademi Det Kongelige Norske Videnskabers Selskab | ||
Asheim voks opp på Valdres folkehøgskule der faren var rektor, og tok artium ved Voss landsgymnas. Han vart cand.theol. 1952 og dr.theol. 1961 med avhandlinga Glaube und Erziehung bei Luther – om forholdet mellom pedagogikken og teologien i Martin Luthers verk. Han vart tilsett som dosent ved MF frå 1963, var leiar av teologisk avdeling i Det lutherske verdensforbund 1965-70, deretter professor ved MF: fyrst i religionspedagogikk 1970-79, deretter i etikk 1979-94. Seniorforskar ved Norges forskningsråd 1994-97. Asheim var den fyrste i Norden til å undervisa i religionspedagogikk. han var den fyrste formannen i Den norske kirkes lærenemnd 1987-91.
Medlem av Vitenskapsakademiet sidan 1980 og Det Kongelige Norske Videnskabers Selskab sidan 1995.
Bibliografi
endre- Religionspedagogikk. En innføring (1976)
- Religionspedagogikk. Tolkning, undervisning, oppdragelse (1987)
- Øyet og horisonten. Grunnproblemer i aktuell etikkdebatt (1991)
- Mer enn normer. Grunnlagsetikk (1994)
- Hva betyr holdninger? Studier i dydsetikk (1997)
Kjelder
endre- Denne artikkelen bygger på «Ivar Asheim» frå Wikipedia på bokmål, den 21. september 2012.