Jökulsárlón

Jökulsárlón er den største, og kanskje den mest kjende, bresjøen på Island. Han ligg ved sørenden av isbreen Vatnajökull mellom Skaftafell nasjonalpark og Höfn. Han oppstod først i 1934-1935 og voks frå 7,9 km² i 1975 til minst 18 km² i dag på grunn av kraftig smelting av isbreen. Med eit djup på om lag 200 meter er Jökulsárlón no truleg den nest djupaste innsjøen på Island.

Jökulsárlón
innsjø
Land	Island
Innsjøtype	Bresjø
Areal	18 km²
Største djupn	om lag 200 m
Koordinatar	64°03′08″N 16°21′37″W
Jökulsárlón 64.070277777778°N 16.211666666667°W / 64.070277777778; -16.211666666667
Wikimedia Commons: Jökulsárlón

Enden av isbreen er til venstre.

Jökulsárlón ligg heilt ved kysten og erosjon frå isbreen og elva som renn ut frå innsjøen vil truleg gjere han om til ei vik eller ein fjord ein gong i framtida. Det er planar om å hindre dette sidan den einaste vegen i området går over eit smalt eid mellom innsjøen og havet.

Innsjøen ligg like ved Hringvegur, den islandske ringvegen, og bussar har rute mellom Höfn og Reykjavík og stoppar vanlegvis her. Innsjøen er fylt med isfjell, som har kalva frå breen Breiðamerkurjökull.

Nær Jökulsárlón ligg det to andre bresjøar, Fjallsárlón og Breiðárlón.

Ei isblokk ved breidda av Jökulsárlón

I media

Fleire filmar har scenar frå Jökulsárlón, inkludert Beowulf og Grendel, Tomb Raider, Die Another Day (James Bond), Batman Begins og A View to a Kill (James Bond).

Sjå òg

• Innsjøar på Island

Bakgrunnsstoff

Wikimedia Commons har multimedia som gjeld: Jökulsárlón

• Bilete
• Foto-essay av ein tur til Jökulsárlón Arkivert 2009-02-18 ved Wayback Machine.
• Bilete av Jökulsárlón frå www.islandsmyndir.is
• Informasjon Arkivert 2011-05-17 ved Wayback Machine.

Kjelder

• Denne artikkelen er basert på ei omsetjing av artikkelen Jökulsárlón frå Engelsk Wikipedia .