Jørgen Blydt
Jørgen Blydt (14. mars 1868–28. april 1938) var ein norsk bank- og forretningsleiar, og stortingsmann frå Bergen. På Stortinget representerte han Venstre. Han var svigerson til Carl Berner.
| Jørgen Blydt | |||
 | |||
| Fødd | 14. mars 1868 | ||
|---|---|---|---|
| Død | 28. april 1938 (70 år) | ||
| Statsborgar av | Noreg | ||
| Parti | Venstre | ||
| Yrke | politikar, forretningsdrivande | ||
| Alle verv |
| ||
Blydt var son til ein kjøpmann i Bergen. Etter skuletida på Tanks skole i heimbyen, reiste han tre år i handelslære utanlands. Dei tre åra fordelte han på England, Frankrike og Belgia. Frå 1891 var han medeigar i Blydt & Grung, eit firma som dreiv handel med fisk og fiskeutstyr. I 1912 fekk han stilling som børskommissær i Bergen. Han var medlem av Bergens bystyre i mange år og var åra 1908-12 formann i samferdslekomiteen for Bergen og dei to Bergenhus-amta. Styreformann for Bergens Kreditbank frå 1906.
Blydt var 3. representant frå Bergen i stortingsperioden 1900-03. Han var då medlem av næringskomite nr 1, og dessutan av komiteen om sjødugleiken til skip 1901-02 og den forsterka justiskomiteen i 1902. Då Ofotbanen vart opna i 1903 var han mellom dei offisielle utsendingane for det norske stortinget. Perioden 1906-09 var han stortings-varamann frå Kalfaret krins, møtte for Johan Ludwig Mowinckel frå 27. november 1906 og ut året, i 1908 frå 12. mai og perioden 5. mai-7. juni 1909. Ved stortingsvalet i 1909 stilte han til val i Nordnes krins, valet vart vunne av Fredrik Konow framom Arbeidarpartiet sin kandidat. I 1912 prøvde Blydt seg i Sandviken krins, der Lars O. Sæbø frå Arbeidarpartiet erobra mandatet. Blydt fekk til sist stortingsplass då han i 1915 i andre valomgang i Sandviken krins slo Lars Sæbø med 3 836 røyster mot 3 429.
Blydt hadde styreplass i mange ulike forum. Under fyrste verdskrigen var han leiar av den statlege kolfyringsnemnda.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914