Jakob Remseth

Jakob Martinus Remseth (5. oktober 1897–4. mai 1969) var ein norsk arbeidar og politikar, fødd i Dønnes og busett i Sauda. Han var stortingsrepresentant for valkrinsen Rogaland og Arbeidarpartiet i tida 1945 til 1965.

Jakob Remseth
Fødd	5. oktober 1897 Dønna kommune
Død	4. mai 1969 (71 år)
Statsborgar av	Noreg
Parti	Arbeidarpartiet
Yrke	politikar, industriarbeider, motstandskjempar, politisk fange
Alle verv	stortingsrepresentant (1945–1950) vararepresentant til Stortinget (1937–1945) stortingsrepresentant (1950–1954) stortingsrepresentant (1954–1958) stortingsrepresentant (1958–1961) stortingsrepresentant (1961–1965)

Liv og virke

Bakgrunn

Remseth var son til ein gruve- og industriarbeidar, og voks mykje opp på Båsmoen i Mo i Rana. Seksten år gammal byrja han å arbeide i Båsmoen gruver, eit yrke han hadde til 1926, og som han kombinerte med arbeid på samvirkelaget i dei periodane gruvedrifta var redusert. I 1926 flytta han til Sauda og var dei neste 19 åra fabrikkarbeidar ved Electric Furnace Products Co. Ltd. i Sauda.

Politisk karriere

Remseth var medlem i heradsstyret i Sauda frå 1931 til 1955. Han var ordførar 1937–1941, då han vart avsett av okkupasjonsstyret, og på ny frå 1945 til 1951.

Hausten 1945 vart Remseth vald inn på Stortinget frå Rogaland, og sidan attvald fire gongar. Han var medlem 1945–1949 i Sosialkomiteen og frå 1950 i Kommunalkomiteen, formann i denne frå 7. februar 1963.

Kjelder

• «Jakob Remseth». Stortinget.no.