Jens Aars

Jens Aars (1. oktober 1779–27. mars 1834) var ein norsk prest, hoffpredikant og stortingsmann.

Jens Aars
Fødd	1. oktober 1780
Død	17. mars 1834 (53 år)
Yrke	prest, politikar

Aars som var frå Christiania var elev ved latinskulen i heimbyen, gjekk ut frå skulen som student i 1796. Han tok teologisk embetseksamen i 1801 med laud. År 1804 vart han residerande kapellan til Rødøy, i 1806 vikarprest i Enebakk. Frå 1817 var han sokneprest i Hadsel. I 1821 vart han utnemnd til sokneprest i Lier og i 1827 til hoffpredikant.

Aars representerte Nordlandenes amt på Stortinget i 1821, og på det overordentlege storting året etter. I 1821 var han medlem av ni komitear. Han var medlem av Stortingets deputasjon til Stockholm i 1823. På tinget høyrde han opphavleg til opposisjonen, men ettersom han hadde søkt Lier soknekall modererte han synspunkta i retning kongen.

Aars var mellom valmennene i Akershus til det overordentlege storting 1814, og til stortingsvala 1824 og 1827 for Buskerud amt. Alle tre gongane hamna han på 2. eller 3. varamannsplass.

I 1832 vart han geistleg medlem av Vasaordenen.

Han døydde på Frogner prestegard i Lier.

Kjelder

• Lindstøl, Tallak:Stortinget og Statsraadet 1814-1914. Kristiania, 1914

• Biografisk informasjon om Jens Aars NSD Norsk senter for forskningsdatas politikararkiv