Rødøy kommune

For øya med same namn sjå Rødøya.

Rødøy er ein kommune i Helgeland i Nordland fylke. Han grensar i nord mot Meløy kommune, i aust mot Rana kommune, i sør mot Lurøy kommune, og i sørvest mot Træna kommune. Rødøy ligg innanfor Sør-Hålogaland bispedømme og Nord-Helgeland prosti. Rødøy var underlagt Salten politidistrikt, men frå 1. januar 2005 vart kommunen overført til Rana Tingrett. Hovudnæringar er jordbruk, fiske og fiskeoppdrett.

Rødøy kommune
kommune
Kommunevåpen
Land	Noreg
Fylke	Nordland
Adm.senter	Vågaholmen
Areal	711 km²
•  land	687 km²
•  vatn	24 km²
Folketal	1 139  (1. januar 2024)
Målform	nøytral
Ordførar	Inger Dagmar Monsen (Lokale lister)
Kommunenr.	1836
Rødøy 66.583333333333°N 13.35°E / 66.583333333333; 13.35
Kart som viser Rødøy kommune. Kart som viser Rødøy kommune.
Wikimedia Commons: Rødøy
Nettstad: www.rodoy.kommune.no

Geografi

Rødøyløva

Rødøy ligg mellom Svartisen og Norskehavet, og femnar om både fastland og fleire øyar og skjer. Kommunesenteret ligg på Vågaholmen, og det er konsentrasjon av befolkning i Kila, Jektvik, Øresvik, Nordvernes og Sørfjorden på fastlandet, og på øyane. På øyane er det mest folk på Rødøy, Gjerdøy, Storselsøy, Nordnesøy og Selsøyvik.

Det går lokalferje frå Jektvik til øyane med daglege avgangar, i tillegg til Rødøyløva (hurtiggåande båt) som trafikkerer Rødøybassenget. Rødøy er geografisk isolert frå fastlandssambandet, og ein er avhengig av ferje mellom Jektvik, Sørfjorden og Kilboghamn i sør (1t10m) og mellom Ågskardet og Forøy i nord (10m). Snøggbåten Nordlandsekspressen, som går dagleg mellom Sandnessjøen og Bodø, stoppar ved Rødøy, Gjerdøy, Selsøyvik, Nordvernes og Vågaholmen.

Polarsirkelen går rett gjennom Rødøy i sør, og ein kan sjå midnattssola i juni og juli. Skjergarden med meir enn 1000 øyar og skjer egnar seg godt for båtliv. Det er mykje regn om hausten og det kan verte mykje vind. Det er få organiserte tilbod for turistar, men noko er det m.a. på Gjersvik, Kila og Nordnesøy. Rikt fugle- og dyreliv og variert natur, frå isbre via høgfjell og lier til storhav og skjergard med mange øyar.

Steintinden på 1534 meter over havet er høgste fjelltoppen i kommunen, der han reiser seg vest i Svartisen.

Økonomi

Handelsnæringa i Rødøy femnar om matvarehandel på Vågaholmen, Jektvik, Rødøy, Nordnesøy, Selsøyvik, Øresvik og Sørfjorden. Rødøy kommune sysselset om lag 100 årsverk, elles er sysselsetjinga spreidd på landbruk og fiskeoppdrett, ein del aktivitet i samband med fiske og tenester for fiskebåtar og fritidsbåtar, samt noko anna handel og tenesteyting. Rødøy er på grunn av den vanskelege geografien ei av dei mest næringssvake kommunane i landet, og er totalt avhengig av statlege overføringar. Arbeidsløysa er relativt sett ikkje svært høg, men det er fordi ungdommen for det meste må flytte for å finne seg løna arbeid. Folketalet har vore fallande siste 50 år, særleg på 1960-talet då staten betalte folk for å flytte, men også dei siste 15 åra.

Galleri

• 
  Blokktind i Tjongsfjord

  Foto: Bernt Marius Johnsen, 2005
• 
  Frå Melfjordfjellet
• 
  Selsøyvik handelsstad

Bakgrunnsstoff

• Rødøy kommune sine heimesider
• Portal til det kommunale informasjonsbladet Rødøy-løva Arkivert 2006-05-12 ved Wayback Machine.