Jochen Sachse

Jochen Sachse (fødd 2. oktober 1948) er ein tysk tidlegare friidrettsutøvar frå Frankenberg i Sachsen som representerte Aust-Tyskland. Han vann sølvmedaljen i sleggjekasting både under Sommar-OL 1972 og Friidretts-EM 1974.

Jochen Sachse
Statsborgarskap	Tyskland, Den tyske demokratiske republikken
Fødd	2. oktober 1948 (75 år) Frankenberg
Idrett	friidrett
Tok del i	athletics at the 1972 Summer Olympics – men's hammer throw, athletics at the 1976 Summer Olympics – men's hammer throw
Utmerkingar	Fedrelandets fortjenstorden i bronse

Aktiv

Jochen Sachse

Sachse vart femtemann ved Friidretts-EM 1969. Året etter sette han personbeste med 72,34 meter då han gjekk til topps i sleggjetevlinga i universiaden i Torino. Sommaren 1971 forbetra han seg til 72,76 m, eitt år seinare sette han austtysk rekord med eit kast på 74,76 meter. Under dei olympiske leikane 1972 i München smekka han til med 74,96 m i siste omgangen og tok sølvmedaljen, berre verdseinaren Anatolij Bondartsjuk frå Sovjetunionen kasta lengre i tevlinga og gjennom sesongen. Sachse vann ein ny sølvmedalje då EM 1974 fann stad i Roma, her vart han slått med 20 cm av Sovjets Aleksej Spiridonov, ein kar som sette verdsrekord like etter meisterskapen. 1975-sesongen flytta Sachse sin personlege rekord til 76,40 m, via 75,40 m og 76,04 m. I 1977 forbetra han sitt personbeste med fire centimeter til 76,44 m. Han la opp etter 1978-sesongen.

Sachse vart austtysk meister i sleggjekast i 1971, 1972, 1975 og 1976.

Medaljar og plasseringar i internasjonale meisterskap

• EM 1969 i Aten: Nr 5 – 68,60 m
• EM 1971 i Helsinki: Nr 7 – 69,74 m
• OL 1972 i München: Sølvmedalje – 74,96 m, bakom Anatolij Bondartsjuk (75,50 m)
• EM 1974 i Roma: Sølvmedalje – 74,00 m, bakom Aleksej Spiridonov (74,20 m)
• OL 1976 i Montreal: Nr 6 – 74,30 m
• EM 1978 i Praha: Nr 9 – 71,56 m

Kjelder

• Denne artikkelen bygger på «Jochen Sachse (Leichtathlet)» frå Wikipedia på tysk, den 21. mai 2021.