Johan E. Mowinckel
Johan Ernst Mowinckel (7. november 1860–23. mars 1947) var ein norsk kjøpmann og politikar frå Bergen. Han var stortingsrepresentant for Høgre i åra 1922-24.
| Johan E. Mowinckel | |||
| Fødd | 7. november 1860 Bergen | ||
|---|---|---|---|
| Død | 23. mars 1947 (86 år) | ||
| Statsborgar av | Noreg | ||
| Yrke | politikar | ||
| Barn | Thorolf Beyer Mowinckel | ||
| Alle verv |
| ||
Mowinckel var son til ein kjøpmann. Etter læretid i Tyskland slo han seg ned i heimbyen Bergen og arbeidde i fem år, 1875-80, hos kjøpmann Ludolf Næss. Sidan dreiv han ulike handelsverksemder. Det tok til med grossistfirmaet Mowinckel & Müller, frå 1884 drive vidare som sjølveigd kolonialvare-grossist J.E. Mowinckel. På 1890-talet starta han opp ein margarinfabrikk, og dreiv denne i nærare 30 år. I 1895 var han med å stifte handelsforeininga i Bergen, formann i foreininga og ei tid varaordførar i bystyret.
Perioden 1906-09 var Mowinckel varamann til Stortinget frå Nygård valkrins. Ved stortingsvalet 1921 vart han vald til å representere Bergen by og partiet Høgre på Stortinget, der han i åra 1922-24 var medlem i Næringskomite nr 2.
Kjelder endre
- Stortingsbiografi Arkivert 2017-08-24 ved Wayback Machine.