Opna hovudmenyen

Johann Jakob Biedermann (7. august 176310. april 1830) var ein sveitsisk kunstmålar, grafikar og raderar.

Johann Jakob Biedermann
Fødd 7. august 1763
Winterthur
Død

10. april 1830
Zürich, Aussersihl

Sjanger landskapsmåleri
Yrke kunstmålar
Balm bei Meiringen

Liv og gjerningEndra

Biedermann var fødd i Winterthur i Sveits. Han fekk sine første teikneleksjonar hos Rudolf Schellenberg i heimbyen. År 1778 var han elev hos landskaps- og dyremålaren Heinrich Rieter i Bern. I Bern ernærte han seg som kunstlærar og portrettmålar. I 1783 budde han i Lausanne og Genève. Då franske troppar invaderte Sveits i 1798 vart Biedermann tvinga til mellombels å avbryte arbeidet som kunstmålar.

Frå 1796 laga han to seriar med 15 ark som viste dei viktigaste stadene i den gamle, sveitsiske konføderasjonen. I 1801 arbeidde han i Zürich, 1802 i Paris og frå 1802 til 1807 i Konstanz. På sistnemnde stad måla han portrett og landskap på oppdrag for Ignaz Heinrich von Wessenberg. År 1807 var han ein tur til Frankfurt, 1807-1814 budde han i Basel. Åra 1814-24 budde han på ny i Konstanz. Dei siste tre leveåra budde han i Zürich, der han døydde.

I tillegg til ei rekke oljemåleri, hovudsakleg av landskap, skapte Biedermann ein del sjanger- og kostymebilete, og han laga mange grafiske arbeid.

KjelderEndra

BakgrunnsstoffEndra

  Commons har multimedia som gjeld: Johann Jakob Biedermann