John Byng
Admiral John Byng (29. oktober 1704–14. mars 1757) var ein offiser i Royal Navy som vart stilt for krigsrett og avretta for å ha mislukkast i år «gjere sitt yttarste» under slaget ved Menorca i starten på sjuårskrigen.
| John Byng | |
 | |
| Statsborgarskap | Kongeriket Storbritannia |
| Fødd | 28. oktober 1704 Southill |
| Død |
14. mars 1757 (52 år) |
| Yrke | politikar, marineoffiser |
| Språk | engelsk |
| Far | George Byng, 1. vicomte Torrington |
| Mor | Margaret Master |
| John Byng på Commons | |
Byng gjekk inn i marinen i 1718, 14 år gammal. Far hans var då ein veletablert admiral med ei stor karriere som hadde vunne mange sjøslag og var høgt akta av kongane han tente.
Tidleg i karrieren vart Byng send til ein rekkje postar i Middelhavet. 23 år gammal vart han kaptein på HMS «Gibraltar». Fram til 1739 kom han ikkje ut i kamp.[1]. I 1742 vart han kommandørguvernør i den britiske kolonien Newfoundland.[1]
Han vart forfremma til kontreadmiral i 1745 og til viseadmiral i 1747.[1] Han tente på dei mest komfortable stasjonane og unngjekk dei meir krevjande oppgåvene i marinen.[2]
I 1756 fekk han i oppgåve å segle til Menorca, som var under britisk kontroll, for å hjelpe garnisonen der i forsvaret mot den franske marinen. Franskmennene kom dit før Byng og flåten hans nådde fram, og slaget ved Menorca fann stad utanfor øya. Dette markerte starten på sjuårskrigen i Europa. Byng kom imot den franske flåten på ei linje, men med ein vinkel i forhold til den franske linja. Dette medførte at dei første skipa i linja vart hardt råka av fransk kanoneld, før dei bakre skipa i den britiske flåten kom innanfor rekkevidd for sine kanonar. Byng innsåg at han ikkje ville klare å påføre franskmennene noko skade og vende attende til Gibraltar, der han hadde starta reisa.
Det mislukka slaget og tapet av Menorca førte til stort sinne i Storbritannia. Byng vart ført heim og stilt for krigsrett for brot på Krigsartiklane. Lova sa at dersom ein offiser ikkje hadde gjort sitt yttarste, skulle han dømmast til døden, og slik vart det òg med Byng, som retten meinte hadde vist dårleg mot. John Byng vart skoten 14. mars 1757 om bord på HMS «Monarch».
Kjelder
endre- Denne artikkelen bygger på «John Byng» frå Wikipedia på engelsk, den 7. oktober 2009.
- Wikipedia på engelsk oppgav desse kjeldene: Tekst frå Encyclopædia Britannica si 11. utgåve, eit leksikon som i dag er offentleg eigedom.
- ↑ 1,0 1,1 1,2 Godfrey, Michael (2000). «Byng, John». Dictionary of Canadian Biography Online. Library og Archives Canada. Henta 4. mars 2008.
- ↑ 1911 Encyclopædia Britannica/Byng, John, Wikisource 1911 encyclopedia project.