John Sivebæk

dansk fotballspelar

John Sivebæk (fødd 25. oktober 1961) er ein dansk tidlegare fotballspelar frå Vejle, som vart europameister med Danmark i 1992. Han var ein snøgg, offensiv og teknisk sterk sideback spelte 87 landskampar i tida 1982-92.

John Sivebæk
Personleg informasjon
Fødd 25. oktober 1961 (62 år)
Fødestad Vejle i Danmark
Høgd 183 cm
Posisjon Høgreback
Seniorkarriere*
År Lag Kampar (Mål)
1980–1985 Vejle 296 (41)
1986–1987 Manchester United 31 (1)
1987–1991 Saint-Étienne 129 (1)
1991–1992 Monaco 23 (0)
1992–1994 Pescara 61 (2)
1994–1996 Vejle 28 (0)
1996-1997 Aarhus 27 (0)
Landslag
1978–1980 Danmark U-19 21 (3)
1980–1983 Danmark U-21 13 (0)
1982–1992 Danmark 87 (1)
* Seniorklubbkampar og mål berre telt for nasjonal liga

Klubbspel endre

Sivebæk spelte dansk toppfotball med heimlege Vejle Boldklub åra 1980-84, og var i 1981 med å vinne cupfinalen 2-1 over BK Frem og verte seriemeister i 1984. Vinteren 1985 fekk han kontrakt med Manchester United, der han fekk heller lite speletid. Frå 1987 til -91 var han aktiv i franske AS Saint-Étienne, medan han i 1991/92-sesongen spelte for konkurrenten AS Monaco. Etter to sesongar i italienske Pescara vende han i 1994 heim til Vejle BK. Han avslutta si tid som aktiv med spel på Aarhus GF (AGF) i 1996/97-sesongen.

Landslagspel endre

Sivebæk debuterte på landslaget i mai 1982, og spelte i tre av Danmark fire kampar i fotball-EM 1984. Han skåra sitt einaste landslagsmål då Irland vart slått 4-1 i ein VM-kvalifiseringskamp i november 1985. Både under VM i fotball 1986 i Mexico og EM i fotball 1988 deltok han i fleire av dei danske kampane. Høgdepunktet kom då Danmark overraska ved å vinne europameisterskapen i Sverige i 1992, etter 2-0 over Tyskland i finalen. Han bidrog då i alle seks kampane, i sjølve finalen vart han skadd midtvegs i andre omgang og bytta ut. Seint om hausten 1992 vart han bytta ut då danskane gjesta Nord-Irland, i det som vart hans 87. og siste landskamp.

Merittar endre

  • Europameister: 1992 med Danmark
  • Dansk seriemeister: 1984 med Vejle BK
  • Dansk cupmeister: 1981 med Vejle BK

Kjelder endre