Jon Line
Jon Jonsson Line (27. desember 1862–1949) var ein norsk bonde og skribent frå Time i Rogaland.
| Jon Line | |
| Fødd | 27. desember 1862 |
| Død |
1949 (86 år) |
| Yrke | skribent |
Line tok seminareksamen på Stord i 1885 og var så lærar nokre få år. Deretter arbeidde han ei tid i avisa Stavangeren, før han var redaksjonssekretær i avisa Nordmanden. Sidan dreiv han farsgarden Line i Time.
Line gav i 1888 ut Unge år. Forteljingar av Jadarbuen på Mons Litleré sitt forlag i Bergen. I åra etterpå kom han ut med nokre mindre verk på bokmål, før han i 1892 gav ut ein biografi om mangesyslaren Mauritz Kartevold. Langt seinare fekk Line prenta to diktsamlingar; Gonge-vegar i 1927 og Elsk og draum i 1935. Line skreiv artiklar i mange aviser og tidsskrift, mellom anna om sitt samvær med forfattarane Arne Garborg og Alexander L. Kielland.
Han levde ugift.
Kjelder
endre- Norsk Allkunnebok. VIII. bandet. 1957