Jorodd Asphjell

Jorodd Asphjell (fødd 17. august 1960 i Orkdal i Sør-Trøndelag) er ein norsk politikar frå Arbeidarpartiet. Han har sete på Stortinget for Sør-Trøndelag sidan 2005. Asphjell var varaordførar i Orkdal kommune frå 1999 til 2003, og har sete åtte år i kommunestyret i Orkdal. Han har også sete tolv år i Sør-Trøndelag fylkesting og fylkesutvalet frå 1987 til 1999.

Jorodd Asphjell
Fødd	17. juli 1960 (64 år) Orkdal kommune
Statsborgar av	Noreg
Parti	Arbeidarpartiet
Yrke	politikar
Alle verv	stortingsrepresentant (2005–2009) stortingsrepresentant (2009–2013) stortingsrepresentant (2013–2017) stortingsrepresentant (2017–2021) varamedlem i Europarådets parlamentariske forsamling (2005–2009) stortingsrepresentant (2021–)

Jorodd Asphjell voks opp på Fannrem i Orkdal. Han har vore engasjert i frivillig arbeid i Orkdal idrettslag med leiarverv frå 1989 til 2004, og har vore nestleiar i Sør-Trøndelag Skikrets. Adresseavisen kåra han i juni 2008 til den mest innverknadsrike i trøndersk idrett. Han vart æresmedlem i Orkdal IL i 2003.

Asphjell er utdanna typograf og arbeidde i trykkeri 1977–1994, som sjølvstendig næringsdrivande 1994–1997, og som fylkessekretær i Arbeidarpartiet 1997–2005.

Stortingskomitear

• 2005–: medlem i Helse- og omsorgskomiteen
• 2005–2009: varamedlem i Valkomiteen

Bakgrunnsstoff

• «Jorodd Asphjell». Stortinget.no.