Jorunn Simonsen Thingnes
Jorunn Simonsen Thingnes (fødd 1990) er ein norsk sosiolingvist og førsteamanuensis ved Høgskulen på Vestlandet.[1]
| Jorunn Simonsen Thingnes | |||
| Fødd | 1990 | ||
|---|---|---|---|
| Nasjonalitet | Noreg | ||
| Område | Sosiolingvistikk | ||
| Yrke | førsteamanuensis | ||
| Institusjonar | Universitetet i Oslo, Høgskulen på Vestlandet | ||
| Utmerkingar | H.M. Kongens gullmedalje | ||
Thingnes vart fødd i Jølster og studerte ved Universitetet i Oslo. Ho tok doktorgraden (ph.d.) ved MultiLing - Senter for fleirspråklegheit ved det same universitetet i 2020 med tittelen Å velje minoriserte språk. Språkpolitikk og språkval i akademia.[2]
Thingnes har vore aktiv i målrørsla, mellom anna som leiar av Studentmållaget i Oslo og som sentralstyremedlem i Norsk Målungdom. Ho har og sete i fakultetsstyret ved Det humanistiske fakultetet ved Universitetet i Oslo.
Forsking
endreI doktorgradsavhandlinga si undersøkte Thingnes språkpolitikk og språkval ved Høgskulen på vestlandet og Samisk høgskule. Desse institusjonane har det til felles at dei har teke val om å nytte seg av mindretalsspråk som hovudspråk (høvevis nynorsk og samisk). Eitt av funna i prosjektet var at desse vala stadig måtte forsvarast og forklarast.[2] I doktorgradsprosjektet utfordrar Thingnes etablerte sanningar og utvidar perspektiva ein har på språkpolitikk og språkval i akademia.
Gjennom forskinga si på statusen til nynorsk og samisk i akademia viser Thingnes korleis det er teneleg å nytt omgrepet minoriserte språk om desse språka i ulike kontekstar.
Thingnes heldt Ivar Aasen-minneføredraget 2021 ved Dei nynorske festspela.[3] Ho mottok i 2021 H.M. Kongens gullmedalje for avhandlinga si.[4]
Kjelder
endre- ↑ «Jorunn Simonsen Thingnes - Høgskulen på Vestlandet», www.hvl.no, henta 25. mars 2021
- ↑ 2,0 2,1 «Disputas: Å velge nynorsk og samisk i akademia – går det an? - Institutt for lingvistiske og nordiske studier», www.hf.uio.no, henta 25. mars 2021
- ↑ «Ivar Aasen-minneforedraget: Nynorsken – det inngjerda nasjonalspråket», aasentunet.no, henta 20. august 2021
- ↑ «Hans Majestet Kongens gullmedalje 2021», www.uio.no, henta 2. september 2021
Bakgrunnsstoff
endre- Publikasjonar av Jorunn Simonsen Thingnes i forskingsdokumentasjonssystemet CRIStin.
- Personside ved HVL.no
- Om doktorgraden til Jorunn Simonsen Thingnes ved uio.no