Judaspengar

Judaspengar (Lunaria annua) er ein opptil meterhøg, eitt- eller toårig plante av krossblomfamilien.

Judaspengar
Judaspengar
Systematikk
Rike:	Planteriket Plantae
Overrekkje:	Landplantar Embryophytes
Rekkje:	Karplantar Tracheophytes
Underrekkje:	Frøplantar Spermatophytes
Orden:	Krossblomordenen Brassicales
Familie:	Krossblomfamilien Brassicaceae
Slekt:	Lunaria
Art:	Judaspengar L. annua
Vitskapleg namn
Lunaria annua L., 1753

Han får store, raudfiolette blomstrar, i sjeldne tilfelle vert dei kvite. Blada er hjarteforma, grovt kvasstanna med flattrykte hår. Stengelen har sprikande hår. Blomstrane utviklar store, heilt flate skulper med flate frø. Frøa sit i to rekkjer i kvart av dei to skulperomma. Når frøa er mogne, fell fruktblada av skulpene, og den tynne, pergamentaktige skiljeveggen kjem til synes. Det er denne som har gjeve opphav til namnet Judaspengar eller Måneskulpe. Dei dekorative skulpene har gjort judaspenge til ein ynda prydplante, og frå parkar og hagar er han forvilla slik at han i Noreg har naturalisert seg frå Østfold, nord til Oslo og langs kysten til Bergen.

Planten kjem opphavleg frå Sør-Europa, men finst òg austover i Eurpopa til vestlege Sibir.

• 
  Blomstrar
• 
  Blad
• 
  Umogne skulper
• 
  Mogne skulper med og utan frø
• 
  Nærbilete av skulpevegg med tre frø

Kjelder

• Johannes Lid Norsk flora Det Norske Samlaget 2005 ISBN 82-521-6029-8
• C.A:M. Lideman Nordens Flora Gyldendal Norsk Forlag 1977 ISBN 82-05-08681-8

Bakgrunnsstoff

Wikimedia Commons har multimedia som gjeld: Judaspengar