Kafr Thulth

Kafr Thulth (arabisk كفر ثلث, hebraisk כפר ת'לות') er ein palestinsk by som ligg på ei høg slette nær byen Nablus, 28 km sør for Tulkarm i Qalqilya guvernement. Han ligg kring 270 meter over havet. I følgje Palestinsk statistisk sentralbyrå hadde byen 3 921 innbyggjarar i 2007.

Kafr Thulth
كفر ثلث, Kufr Thulth
kommune
Namneopphav: Ruinane av landsbyen den tredje delen
Land	Dei palestinske territoria
Koordinatar	32°9′9″N 35°2′39″E
Areal	24,9 km²
Folketal	3 921  (2007)
Folketettleik	157 / km²
Borgarmeister	Hussein al-Saifi
Kafr Thulth 32.1525°N 35.044166666667°E / 32.1525; 35.044166666667
Kart som viser Kafr Thulth. Kart som viser Kafr Thulth.
Wikimedia Commons: Kafr Thulth

Namn

Kafr tyder «landsby» og Thulth tyder «tre» eller «ein tredjedel». Dette arabiske namnet bevarer stadnamnet Baal-shalisha, ein gammal landsby ein trur låg 5 km sør for staden, ein stad som i dag vert kalla Khirbat Sirisya.

Geografi

Kart over sperremuren kring Qalqilya og Hableh-Ras Atiya-enklavane og den føreslåtte vegen vidare kring Kafr Thulth.

Kafr Thulth grensar til Azzun i sør, landsbyane Sanniriya og Biddia i aust og Deir Istiya i vest. I 1948 vart delar av Kharab og Aizab, slik som Salman, al-Moudwer, al-Sheikh Ahmad, al-Ashqar, Ras Tirah, al-Dabha, Kirash Kherba og Ras Atiya — landsbyar eller landområde som opphavleg høyrte til Kafr Thulth, skilde frå byen av Den grøne linja, som utgjer grensa mellom Israel og Vestbreidda.

Historie

I 1517 vart landsbyen ein del av Det osmanske riket i lag med resten av Palestina, og i 1596 stod Kafr Tult oppført i osmanske skattelister som ein del av Jabal Qubal nahiya i Nablus liwa'. Han hadde eit folketal på 13 hushaldningar og 1 ungkar, alle muslimar. Dei betalte skatt for kveite, bygg, sommaravlingar, tilfeldige inntekter, geiter og/eller bikubar.

I 1852 vart Kafr Thulth skildra som «ein ruin».

I 1882 skildra Palestine Exploration Fund i Survey of Western Palestine landsbyen (kalla Khurbet Kefr Thilth) som «ein liten landsby i eit høgtliggande område med to brunnar. Han var ein ruin i 1852, men har no nokre få innbyggjarar. Området rundt er kupert og udyrka.»

I folketeljinga i 1922 hadde Kufr Thelth eit folketal på 643, alle muslimar, medan han i folketeljinga i 1931 hadde 169 busette hus og eit folketal på 955, framleis alle muslimar.

Kjelder

• Denne artikkelen bygger på «Kafr Thulth» frå Wikipedia på engelsk, den 19. september 2015.
  • Wikipedia på engelsk oppgav desse kjeldene:
• Barron, J. B., red. (1923). Palestine: Report and General Abstracts of the Census of 1922. Government of Palestine. 
• Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund. 
• Freedman, David Noel; Myers, Allen C.; Beck, Astrid B. (2000), Eerdmans dictionary of Bibelen (Illustrated utg.), Wm. B. Eerdmans Publishing, ISBN 9780802824004 
• Guérin, Victor (1875). Description Géographique Historique et Archéologique de la Palestine. Vol 2; Samarie, pt. 2.  (p. 176)
• Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral 
• Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. 
• Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 
• Robinson, Edward; Smith, Eli (1856). Later Biblical Researches in Palestine and adjacent regions: A Journal of Travels i year 1852. London: John Murray. 

Bakgrunnsstoff

• Palestina Remembered Kafr Thulth