Kamaran
- Denne artikkelen handlar om øya i Raudehavet. For landsbyen i Iran, sjå Kamaran i Iran.
Kamaran (arabisk كمران Kamarān) er den største Jemen-kontrollerte øya i Raudehavet. Ho er 108 km² stor, 18 km lang og 7 km brei, og ligg strategisk til i sørenden av Raudehavet.[1] Øya ligg i det grunne farvatnet på kontinentalsokkelen til Den arabiske halvøya med korallrev på tre sider av øya. Innbyggjartalet er 2 200.[2]
| Kamaran | |||
| øy | |||
 Kamaran sett frå verdsrommet
| |||
| Land |  Jemen
| ||
|---|---|---|---|
| Koordinatar | 15°21′N 42°34′E / 15.350°N 42.567°E | ||
| Høgaste punkt | Jabal Yaman | ||
| Lengd | 18 km | ||
| Areal | 108 km² | ||
| Folketal | 2 200 | ||
 Kamaran 15°21′N 42°35′E / 15.35°N 42.59°E | |||
  Kart som viser Kamaran.
| |||
| Wikimedia Commons: Kamaran Island | |||
Kamaran er generelt flat, med nokre få åsar i sør. Det høgaste punktet er Jabal Yaman (24 moh), og ligg kring tre kilometer frå Ra's al Yaman, det søraustlege neset på øya. Furah, Makram og Sayfaf er busetnader på Kamaran.
Historie
endreKamaran hadde vore busett i fleire hundreår då portugisarane oppretta ein utpost der på 1500-talet. Øya kom under Det osmanske riket på 1800-talet og vart nytta som ein karantenestasjon for pilegrimar som skulle utføre hajj i den osmansk-kontrollerte, muslimske heilage byen Mekka.
I juni 1915, under fyrste verdskrigen, tok Idrisi-hæren øya og gav ho til den britiske provinsen Aden som eit forhandlingsverktøy. Aden fortsette å styre øya, men ho vart ikkje formelt annektert. Under Lausannetraktaten i 1923, der Det osmanske riket vart delt opp, mista osmanarane retten til øya og britane fortsette å okkupere øya trass protestar frå Jemen og styrte det frå kolonien Aden. I 1949 erklærte Storbritannia formelt at gurvernøren av Aden var guvernør på Kamaran, men ho vart ikkje ein del av kolonien.[3]
Den 30. november 1967 kom Kamaran inn under Den demokratiske folkerepublikken Jemen (Sør-Jemen) då dei fekk sjølvstendet sitt frå Storbritannia, men vart erobra av nabolandet Den arabiske republikken Jemen (Nord-Jemen) i 1972[4] og vart ein del av det samla Jemen i 1990.
Kjelder
endre- ↑ «Island Directory». UN System-wide Earthwatch. Arkivert frå originalen 16. november 2003. Henta 28. mai 2016. Andre kjelder gjev andre tal som 181, 130 og 57 km². Dette bilete Arkivert 2006-11-22 ved Wayback Machine. frå perioden under britane gjev talet 207 km².
- ↑ Farlex Encyclopedia[daud lenkje]
- ↑ The Kamaran Order in Council, 1949 (SI 1949/137)
- ↑ Daniel McLaughlin, Jemen: The Bradt Travel Guide (2007) pp.162-3. ISBN 1-84162-212-5
- Denne artikkelen bygger på «Kamaran» frå Wikipedia på engelsk, den 28. mai 2016.
- Wikipedia på engelsk oppgav desse kjeldene:
- WorldStatesmen- Jemen[daud lenkje]
- Kamaran Island page Arkivert 2006-12-18 ved Wayback Machine.
- Biletgalleri Arkivert 2007-03-27 ved Wayback Machine.
- Nigel Groom. Island of two moons: Kamaran 1954. Arkivert 2005-07-29 ved Wayback Machine. at The British-Yemeni Society Arkivert 2005-07-29 ved Wayback Machine.
- Small Islands in the Near East