Kantlyng

Kantlyng (Cassiope tetragona) er ein mørkegrøn, forgreina dvergbusk med ein flatedekkande vekst. Plantane har ein karakteristisk firkanta stengel som forgreiner seg kraftig frå den nedste delen av planten. At blada sit tett og ustilka opp langs stengelen gjer at den firkanta utsjånaden blir ekstra tydeleg. Blomstringa skjer frå juli til august, og består i hengande kvite blomar med klokkeform som sit einskildvis på korte, spinkle stilker ut frå bladhjørna ytst på skotet.

Kantlyng
Kantlyng
Status
Status i Noreg: Sårbar
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Lyngordenen Ericales
Familie:	Lyngfamilien Ericaceae
Underfamilie:	Cassiopoideae
Slekt:	Kantlyngslekta Cassiope
Art:	Kantlyng C. tetragona
Vitskapleg namn
Cassiope tetragona D.Don

Rotnettet er vidt utbreitt, men særs spinkelt. Arten er avhengig av samliv med ein eller fleire soppartar (mykorrhiza).

Kantlyng når typisk ein storleik på 0,20 x 1,00 m (vekst 5 x 5 cm/år)

Utbreiing

Kantlyng ved Longyearbyen.

Kantlyng er vanleg i Nord-Noreg og arktiske område. På Grønland finst han så langt sør som på linje med Godthåbsfjord og Tasiilaq, men då berre i høgfjellet, eller i kjølige skyggeområde. Arten er avhengig av eit ganske langvarig snødekke som vern mot uttørking, og føretrekk sur og fuktig, men veldrenert jordsmonn. Det er sjeldan å finna mykje av denne samansetjinga, men han kan ofte opptre i mosaikk. Ved breidda av Torneträsk finst han typisk saman med blant anna rypebær, dvergbjørk, moselyng, tytebær, lav og mose.

Bruk

På Grønland har planten hatt tyding som brensel.

Kjelder

• Denne artikkelen bygger på «Kantlyng» frå Wikipedia på bokmål, den 4. juni 2023.

Bakgrunnsstoff

• (no) Kantlyng hos Artsdatabanken
• (en) Kantlyng i Encyclopedia of Life
• (en) Kantlyng i Global Biodiversity Information Facility
• (sv) Kantlyng hos Dyntaxa
• (en) Kantlyng hos ITIS
• (en) Kantlyng hos NCBI
• (en) Kantlyng hos Panarctic Flora
• (en) Kantlyng hos The International Plant Names Index
• (en) Kantlyng hos Tropicos
• (en) Kategori:Cassiope tetragona – bilete, video eller lyd på Wikimedia Commons
• (en) Cassiope tetragona – galleri av bilete, video eller lyd på Wikimedia Commons