Karl Hals
Karl Marius Anton Johan Hals (27. april 1822–7. desember 1898) var ein norsk pianofabrikant. Han var fødd i Sørum, far hans var offiser.
| Karl Hals | |||
 | |||
| Fødd | 27. april 1822 Sørum kommune | ||
|---|---|---|---|
| Død | 7. desember 1898 (76 år) | ||
| Statsborgar av | Noreg | ||
| Parti | Høgre | ||
| Yrke | politikar, piano maker, musikkinstrumentmaker, forretningsdrivande | ||
| Utdanna ved | Oslo katedralskole | ||
| Alle verv |
| ||
Hals gjekk i snikkarlære i Christiania frå 1838. Åra 1843-47 arbeidde han utanlands. Saman med broren Petter Hals oppretta han pianofabrikken 'Brødrene Hals' i Christiania. Då broren døydde i 1871 overtok han heile fabrikken.
Hals var engasjert i organisasjonslivet innan handverk og industri. Han var formann i 'Den norske håndverks- og industriforening' og i 'Fellesforeningen for håndverk og industri'. Også formann i Kunstforeningen og i pensjonskassa Glitne. Hals hadde elles ei rekke andre offentlege verv, og sat fleire periodar i bystyret i Christiania. Han var medlem av tollkommisjonane av 1878 og av 1887.
Perioden 1889-91 representerte Hals partiet Høgre på Stortinget, vald frå krinsen Kristiania, Hønefoss og Kongsvinger. Han var medlem av tollkomiteen.
Hals vart i 1874 utnemnd til riddar av St. Olavs Orden og fekk kommandørkorset av 1. klasse i 1889. I tillegg var han kommandør av Dannebrogordenen og riddar av Æreslegionen.
Han døydde 1898 i Kristiania.
Kjelde
endre- Lindstøl, Tallak: Stortinget og Statsraadet 1814-1914. Kristiania, 1914