Kasper Sund
Kasper Oluf Olsen Sund (7. april 1848–21. februar 1907) var ein norsk lensmann, gardbrukar og Venstre-politikar frå Vikna.
| Kasper Sund | |
 | |
| Statsborgarskap | Noreg |
| Fødd | 7. april 1848 Vikna |
| Død |
21. februar 1907 (58 år) |
| Yrke | politikar, bonde, lensmann |
| Språk | norsk |
| Politisk parti | Venstre |
Han var son til ein gardbrukar på Yttersund i Vikna. I yngre år var han kontorist hos lensmannen, samt sjømann i innanriksfart. Frå 1879 var han fiskerioppsynsmann i Vikna og Lofoten, lensmann i Fosnes frå 1897. Han tok over farsgarden i Vikna og dreiv denne.
Sund var medlem av Vikna formannskap, ordførar 1881-97, og seinare medlem av Fosnes heradsstyre. Elles var han valmann, forlikskommissær, medlem av amtsskulestyret, samt skattekommissær 1892-94. Sund vart ved stortingsvalet 1906 innvald på Stortinget frå Namdalen krins for perioden fram til og med 1909. Han møtte berre nokre få dagar i oktober, vart sjukmeld to gonger og permittert i november. Allereie i februar 1907 døydde han på Otterøy i Fosnes. Varamannen Ole Aavatsmark møtte resten av perioden.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914
Bakgrunnsstoff endre
- Kasper Oluf Sund[daud lenkje] hos Norsk samfunnsvitenskapelig datatjeneste