Ole Aavatsmark
Ole Severin Aavatsmark (10. august 1855–11. oktober 1935) var ein norsk lærar, redaktør og Venstre-politikar frå Grong i Nord-Trøndelag.
| Ole Aavatsmark | |
 | |
| Statsborgarskap | Noreg |
| Fødd | 10. august 1855 Grong |
| Død |
11. oktober 1935 (80 år) |
| Yrke | politikar, redaktør, organist, lærar, lokalhistorikar |
| Språk | norsk |
| Politisk parti | Venstre |
| Ole Aavatsmark på Commons | |
Aavatsmark var son av ein lærar og kyrkjesongar. Sjølv tok han eksamen ved Klæbu seminar i 1874. Sidan var han lærar i Namsos 1875-1919, organist i Namsos kyrkje frå 1881, skulestyrar ved folkeskulen i Namsos 1917-19, samt redaktør i avisa Nordtrønderen 1892-1924. Åra 1878-87 gav han ut barnebladet Barnebudet og saman med Marius Hægstad gav han ut verket Namdalsk folkedigtning. Han lærte musikkteori og orgelspel hos Ludvig Mathias Lindeman i 1881, og studerte ved musikkonservatoriet i Kristiania i 1886. I 1890 hadde han stipend for å studere skulestellet i Danmark og Sverige. Han var formann i Namsos Arbeidersamfund 1887-1909. Aavatsmark var ordførar i Namsos i 1906 og 1910-13, forlikskommissær 1892-1907.
Aavatsmark var 1. vararepresentant til Stortinget frå Namdalen 1906-09 og på ny 1916-18. Han møtte fast 1907-09 etter Kasper Sund døydde i 1907, då medlem av justiskomitéen. I 1918 møtte han på Stortinget ei kort tid. Han representerte Venstre.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914
Bakgrunnsstoff endre
- Ole Severin Aavatsmark[daud lenkje] hos Norsk samfunnsvitenskapelig datatjeneste