Kevin Sheedy
Kevin Mark Sheedy (fødd 21. oktober 1959) er ein irsk tidlegare fotballspelar frå Builth Wells i Wales som hadde stor suksess med Everton FC i 1980-åra.
| Personleg informasjon | |||
|---|---|---|---|
| Fullt namn | Kevin Mark Sheedy | ||
| Fødselsdato | 21. oktober 1959 (64 år) | ||
| Fødestad | Builth Wells i Wales | ||
| Høgd | 175 cm | ||
| Posisjon | Midtbanespelar | ||
| Seniorkarriere* | |||
| År | Lag | Kampar | (Mål) |
| 1975-1978 | Hereford United | 51 | (4) |
| 1978-1982 | Liverpool | 3 | (0) |
| 1982-1992 | Everton | 274 | (84) |
| 1992-1993 | Newcastle | 37 | (4) |
| 1993-1994 | Blackpool FC | 26 | (1) |
| Totalt | 391 | (76) | |
| Landslag | |||
| 1984-1993 | Irland | 46 | (9) |
| * Seniorklubbkampar og mål berre telt for nasjonal liga | |||
Karriere endre
Klubbspel endre
Midtbanespelaren Sheedy fekk sin ligadebut med 4. divisjonslaget Hereford United våren 1976. Vel to år seinare vart han overført til Liverpool FC, der han ikkje lukkast å spele seg inn på laget. Vinteren 1982 flytta han over til byrivalen Everton FC, mot 100 000 pund. I mai 1984 vann han sitt fyrste trofe med klubben då det vart siger 2-0 over Watford FC i FA-cupfinalen, ein kamp Sheedy mista grunna skade. Sesongen etter var Everton heile suverene i kampen om ligameisterskapen, slo toaren Liverpool FC med heile 13 poeng. Everton tok seg også til finalen i cupvinnarcupen, der Sheedy den 15. mai i Rotterdam fastsette sluttresultatet til 3-1 mot Rapid Wien. Sesongen 1986/87 tok Everton FC ein ny ligatittel framom byrival Liverpool FC, då med 9 poengs skilnad. Etter ytterlegare fem sesongar i Everton melde Sheedy i 1992 overgang til Newcastle United, ein klubb han hjelpte til opprykk i 1993. Han var så profesjonell på nivå 3 for Blackpool i 1993/94 før han gav seg med aktiv fotball.
Landslagsspel endre
I tida oktober 1983 til februar 1993 deltok Sheedy i 46 landskampar for Irland. Under europameisterskapen 1988 i Vest-Tyskland fekk han speletid i alle dei tre kampane til det irske laget. To år seinare var han med i alle Irlands fem kampar ved VM i fotball 1990, ein meisterskap der han vart historisk då han i landets aller fyrste VM-kamp utlikna til 1-1 mot England. Irland rauk elles ut i kvartfinalen mot arrangørlandet Italia etter tap 0-1. Sheedy skåra ni landslagsmål.
Merittar endre
- Vinnar av cupvinnarcupen: 1985 med Everton FC
- Engelsk ligameister: 1985 og 1987 med Everton FC
- Engelsk cupmeister: 1984 med Everton FC
Kjelder endre
- Denne artikkelen bygger på «Kevin Sheedy (Irish footballer)» frå Wikipedia på engelsk, den 27. september 2018.