Kevin Vågenes
Kevin Vågenes (fødd 3. november 1986) er ein norsk skodespelar, komikar og manusforfattar. Vågenes starta karrieren sin i 2011 i TVNorge og har sidan spelt i fleire andre program og seriar. Hausten 2018 fekk han stor merksemd og ros for innsatsen i humorserien Parterapi.[1][2][3]
| Kevin Vågenes | |||
| Fødd | 3. november 1986 (38 år) | ||
|---|---|---|---|
| Fødestad | Bergen | ||
| Aktive år | 2011- | ||
| Verka som | skodespelar, manusforfattar, komikar | ||
| Prisar | Komiprisen 2015, Humorprisen 2018, Gullruten 2019 | ||
Bakgrunn
endreVågenes er i frå Hjartås i Meland kommune nord for Bergen. Han er utdanna som skodespelar i Stockholm og ved University of Southern California i Los Angeles. Han debuterte i TV-serien Nissene over skog og hei på TVNorge i 2011, og har sidan vore knytta til Seefood TV. Han var med i Kollektivet på TV 2 heilt frå starten i 2011 saman med Cecilie Steinmann Neess, Jakob Schøyen Andersen, Fridtjof Josefsen og Sebastian Trulsrud Brynestad. Han var òg programleiar for The Voice saman med Øyvind Mund i 2013.
Vågenes har gjort ei rekkje TV-framferder og fekk gjennombrotet sitt i TV-serien Mellom bakkar og berg på TVNorge i 2015, ein innsats han mottok prisen Årets gjennombrudd for på Komiprisen 2015.
Hausten 2017 fekk han stor suksess med nettserien Parterapi på NRK, som vart følgt opp med ein ny sesong hausten 2018 og har vorte fornya for ytterlegare ein ny sesong.[4] For andre sesong av serien vart han kåra til årets morosamaste på TV medan serien vart kåra til årets humorprogram under Humorprisen 2018.[5] I Gullruten 2019 vart han nominert i tre klassar for Parterapi: beste skodespelar, publikumsprisen og beste manus TV-drama. Sjølve serien vann dessutan klassa for beste sminka og vart nominert i klassa beste humorprogram.[6][7] Han fekk Leif Justers Ærespris for 2019 med eit prisbeløp på 30 000 kroner.[8]
Jula 2017 spelte han tre av dei leiande rollefigurane i storsatsinga Jul i Blodfjell på TVNorge.
Han bur delar av året i Los Angeles og har blant anna spelt i Peter Stormares TV-serie Swedish Dicks i Hollywood.
Filmografi
endre- 2012 Tinte & Bettina – The Movie … Emo
TV-seriar
endre- 2019 Parterapi Sesong 3.
- 2018 Swedish Dicks … Jeppe
- 2018 Best før (TV 2)
- 2017 Jul i Blodfjell … Rune Soot / Siri Gabrielsen / Putti Soot (TVNorge)
- 2017–2018 Parterapi (NRK TV)
- 2015 Mellom bakkar og berg … programleiaren / diverse roller (TVNorge)
- 2015 Suksesskolen … Anton Evell (TV 2 Humor)
- 2011 Nissane over skog og hei … Adam Ohlsen (TVNorge)
- 2011–2015 Kollektivet … Skodespelar / programleiar (TV 2)
Referansar
endre- ↑ Moe, Marianne Lein (14. november 2018). «TV-serien «hele» Norge ler av». itromso.no (på norsk bokmål). Henta 27. desember 2018.
- ↑ «Kommenterer «Parterapi»: Og vi lo. Og vi lo». www.vg.no (på norsk). 16. november 2018. Henta 27. desember 2018.
- ↑ Heiervang, Camilla. «Med høstens store landeplage har Kevin Vågenes gitt nordmenn en felles måte å beskrive kjærestene sine på». Aftenposten. Henta 27. desember 2018.
- ↑ ««Parterapi»-skaperen om suksessen: – Dette har vært helt overveldende». NRK. 13. november 2018. Henta 17. november 2018.
- ↑ «Denne «Parterapi»-karakteren liker Kevin Vågenes best». nrk.no. 18. januar 2019. Henta 22. januar 2019.
- ↑ «Dette er de nominerte til Gullruten 2019». nrk.no. 5. april 2019. Henta 7. mai 2019.
- ↑ «Gullruten fagprisene 2019: Vinnerne». rushprint.no. 2. mai 2019. Henta 7. mai 2019.
- ↑ «Parterapi-Kevin fikk Juster-pris». nrk.no. 11. mars 2019. Henta 16. mars 2019.
- Denne artikkelen bygger på «Kevin Vågenes» frå Wikipedia på bokmål, den 13. oktober 2019.