Khálki

Khálki (gresk Χάλκη), òg kalla Chalki, Halki og Khalke, er ei øy i Hellas som høyrer til Dodekanesane i Egearhavet. Ho ligg om lag 6 km vest for Ródos. Med eit areal på 28 km² er ho ei av dei minste busette øyane i Dodekanesane, og ho har ein busetnad på 475 innbyggjarar (2021), som bur i landsbyen Emborió eller Khálki by, med unntak av 1 innbyggjar som er registrert i Khorió.

Khálki Lokalt namn Χάλκη
Hamna i Khálki
Geografi
Stad	Egearhavet
Koordinatar	36°14′N 27°34′E
Øygruppe	Dodekanesane
Areal	37,0 km²
Administrasjon
Land	Hellas
Periferi Periferieining	Dei sørlege egeiske øyane Ródos
Største busetnad	Khálki (474 innb.)
Demografi
Folketal	475 (2021)
Folketettleik	12,8 /km²

Khálki er eigen kommune, og frå 2011 høyrer øya administrativt til under periferieininga Ródos i periferien Dei sørlege egeiske øyane.

Øya hadde tidlegare langt fleire innbyggjarar, men mange emigrerte på midten av 1900-talet. Ruinane av ei mellomalderborg laga av Maltesarordenen ligg ovanfor gamlebyen, og kapellet inneheld nokre originale fresker.

Øya har nesten ikkje vasskjelder og regnvatn vert samla i cisterner. Drikkevatn vert transportert frå Ródos, men i sommarmånadane kan det verte vassmangel.

Hovudnæringa på øya er turisme, men fiske utgjer òg ein vesentleg del av næringa.

Mellom Khálki og Ródos ligg Alimiá og mange andre mindre klippeøyar.

Byar og tettstader

Busetnadene i kommunen er:

Tettstad	Folketal 2011	Folketal 2021
Khálki	478	474
Khorió		1

Småøyar i kommunen:

• Ájos Theódoros (0)
• Alimiá (0)
• Káto Prasoúa (0)
• Kolófonas (0)
• Krevátia (0)
• Maelonísi (0)
• Makrí (0)
• Nípouri (0)
• Páno Prasoúa (0)
• Sfýra (0)
• Strongýli (0)
• Tragoúsa (0)
• Tsoúka (0)

Kjelde

• Denne artikkelen er basert på ei omsetjing av artikkelen Chalki frå Engelsk Wikipedia .

Denne geografiartikkelen er ei spire. Du kan hjelpe Nynorsk Wikipedia gjennom å utvide han.