Kimmo Kinnunen
Kimmo Paavali Kinnunen, (fødd 31. mars 1968) i Äänekoski, er ein finsk, tidlegare friidrettsutøvar. Han vart verdsmeister i spydkast i Tokyo 1991 og fekk sølvmedaljen i VM 1993. Med sterke konkurrentar i heimlandet, klarte han aldri å verte finsk meister. Han er son til tidlegare verdsrekordhaldar i spydkast, Jorma Kinnunen.
| Kimmo Kinnunen | |
| Statsborgarskap | Finland |
| Fødd | 31. mars 1968 (56 år) Äänekoski |
| Idrett | friidrett |
| Tok del i | Sommar-OL 1996, Sommar-OL 1992, Sommar-OL 1988 |
Aktiv
endreKimmo Kinnunen vart utteken til dei olympiske sommarleikane 1988 i Seoul, der han i kvalifiseringa til finalen sette personleg rekord med 80,24 m. Det var hans fyrste kast over 80 m, i finalen måtte han nøye seg med ein tiandeplass (78,04 m). Til europameisterkapen 1990 i Split kom han med gode voner etter å ha kasta spydet 83,10 m, noko i førevegen. Med eit kast på moderate 79,00 m enda han på åttande plass.
Året etter forbetra han i forsesongen sin personlege rekord til 85,46 m. Under VM 1991 i Tokyo i september var han i sitt livs form. I kvalifiseringa forbetra han personleg rekord med heile tre meter til 88,48 m. I finalen slo han i fyrste kast til med eit kast på 90,82 m. Ingen andre kastarar passerte 90-metersstreken med sine spyd, landsmannen og erkerivalen Seppo Räty måtte sjå seg nøgd med sølv.
I Sommar-OL 1992 i Barcelona hamna Kinnunen på fjerdeplass. Han revansjerte seg året etter, då han i VM i Stuttgart etter middelmåtige kast i kvalifiseringa slo til med årsbeste i finalen. Eit kast på 84,78 m heldt til sølv. Som i OL året føreåt, var Jan Železný den ingen makta slå.
Under sine siste olympiske sommarleikar i 1996 fekk Kinnunen opp berre eitt kast over 82 m. Bestekastet på 84,02 gav han sjuandeplass.
Medaljar og plasseringar i internasjonale meisterskap
endre- Olympiske sommarleikar 1988 i Seoul - 10. plass, 78,04 m
- Europameisterskapen 1990 i Split - 8. plass, 79,00 m
- Verdsmeisterskapen 1991 i Tokyo - gullmedalje, 90,82 m
- Olympiske sommarleikar 1992 i Barcelona - 4. plass, 82,62 m
- Verdsmeisterskapen 1993 i Stuttgart - sølvmedalje, 84,78 m
- Olympiske sommarleikar 1996 i Atlanta - 7. plass, 84,02 m
Personlege rekordar og årsbeste
endre| År | 1988 | 1989 | 1990 | 1991 | 1992 | 1993 | 1995 | 1996 | 1997 | 1998 | 1999 |
| Lengde (m) | 80,24 | 83,10 | 81,46 | 90,82 | 83,42 | 84,78 | 85,42 | 85,32 | 82,48 | 84,23 | 85,96 |