Kirkcaldy
Kirkcaldy er ein by i regionen Fife i Skottland. Han har kring 48 500 innbyggjarar. Han ligg på nordsida av Firth of Forth. Byen er kjent for produksjon av linoleum og for sitt årlege, vekeslange Links Market, som er den lengste gatemarknaden i Europa og som i 2004 feira 700-årsjubileum. Kirkcaldy har ei av dei lengste utbygde kystgatene i Europa.
|
Kirkcaldy | ||
|---|---|---|
| skotsk-gælisk | Cair Chaladain | |
 | ||
| Plassering | ||
  | ||
| Styresmakter | ||
| Land |  Storbritannia
| |
| Konstituerande land |  Skottland
| |
| Region | Fife | |
| Tradisjonelt grevskap | Fife | |
| Geografi | ||
| Innbyggjarar - By (2001) |
48 630 | |
| Koordinatar | 56°7′N 3°10′W / 56.117°N 3.167°W | |
| Diverse annan informasjon | ||
| Postnummer | KY1, KY2 | |
| Telefon-retningsnummer | 0 1592 | |
Namn endre
Namnet «Kirkcaldy» er avleidd frå piktisk caer, 'festning' og caled, som anten tyder 'hard' eller er eit personnamn. Tydinga av namnet kan dermed anten vera 'den harde festningen' eller 'Caled-festningen'.[1]
Historie endre
Det første dokumentet som nemner byen er frå 1075, då kong Malcolm III (regjerte 1058–93) gav heradet Kirkcaladunt til kyrkja i Dunfermline.[2][3]
På 1600-talet vart eit av dei første latviske konsulata opna i Kirkcaldy.
Dysart, ein tidlegare by og burgh, har vorte omringa av Kirkcaldy. I 1930 vart Dysart gjort til ein del av Kirkcaldy av parlamentet.
Mellom 1975 og 1996 utgjorde byen med omland eit administrativt distrikt.
Kjende folk frå Kirkcaldy endre
Kirkcaldy er fødestaden til filosofen og økonomen Adam Smith,[4] kjend for verket The Wealth of Nations, som han skreiv i mora sitt hus her, 220 High Street, i 1765–1767.[5] Arkitekten og formgjevaren Robert Adam og far hans, William, var også frå byen.[6] Sir Sandford Fleming (1827–1915), ein ingeniør som stod bak utviklinga av standard tidssoner over heile verda og som arbeidde på mykje av jernbanesystemet i Canada, var fødd her.[7] Oppdagaren John McDouall Stuart, som leia seks ekspedisjonar til det indre av og frå sør til nord av Australia, var frå Dysart.[8]
Den britiske statsministeren Gordon Brown, som også var parlamentsmedlem for Kirkcaldy and Cowdenbeath, voks opp i byen frå han var tre år gammal.[9][10] Krimforfattaren Val McDermid vart fødd her.
Kjelder endre
- ↑ Taylor and Márkus 2006, s. 487.
- ↑ MacBean 1908, s. 33–34.
- ↑ Glen 2007, s. 13.
- ↑ Kirkcaldy Civic Society 2005, s. 67.
- ↑ Torrie and Coleman 1995, s.29.
- ↑ Kirkcaldy Civic Society 2005, s. 60.
- ↑ Kirkcaldy Civic Society 2005, p.62.
- ↑ Kirkcaldy Civic Society 2005, s. 70–71.
- ↑ Allport, 2009, s. 18.
- ↑ Wheeler, Brian (27. juli 2007). «The Gordon Brown Story». BBC News. Henta 25. februar 2011.
- Denne artikkelen bygger på «Kirkcaldy» frå Wikipedia på bokmål, den 2. november 2011.
- Delar av denne artikkelen bygger på «Kirkcaldy» frå Wikipedia på engelsk, den 3. januar 2019.
- Wikipedia på engelsk oppgav desse kjeldene:
- Taylor, Simon; Gilbert (2006). The Place-Names of Fife, Volume One. Donington: Shaun Tyas. ISBN 1-900289-77-6.
- Glen, Duncan (2007). Kirkcaldy: A New Illustrated History from Pre-history to 2007. Akros Publications. ISBN 0-86142-186-8.
- MacBean, L. (1908). Kirkcaldy Burgh Records. Kirkcaldy: Fifeshire Advertiser. OCLC 40435665.