Kjell Nupen
Kjell Nupen (5. september 1955–12. mars 2014) var ein allsidig norsk kunstnar som arbeida med ulike materiale og kunstnariske uttrykk, både måleri, grafikk, glaskunst, keramikk, skulptur i bronse og granitt. Han vart fødd i Kristiansand, der han levde og arbeida heile livet.
| Kjell Nupen | |
| Statsborgarskap | Noreg |
| Fødd | 5. september 1955 Kristiansand kommune |
| Død |
12. mars 2014 (58 år) |
| Yrke | kunstmålar, bilethoggar |
| Nettstad | http://www.kjellnupen.no/ |
Kjell Nupen vart utdanna hjå Statens Kunstakademi i Oslo og og Staatliche Kunstakademie i Düsseldorf i Tyskland, og har studert under Reidar Aulie, Knut Rose, Ludvig Eikaas, Gerhard Richter, K.O. Gütz og Rolf Sackheim. Han debuterte på Statens Kunstutstilling (Haustutstillinga) i Oslo i 1974 og Sørlandsutstillingen i Kristiansand.
Det var framfor alt målar Kjell Nupen rekna seg som, og han er kjend for å nytte blåfarge (koboltblå) på ulike vis i kunstverka sine, den såkalla «Nupenblå». Han har hatt ein rad store utsmykkingsoppdrag, og har vore representert på kunstutstillingar i mange land.