Knut Nordanger

Knut Monsson Nordanger (10. desember 1883–31. mai 1965) var ein norsk lærar, politikar og embetsmann frå Hordabø i Hordaland. Han var stortingsrepresentant frå Akershus fylke og Arbeidarpartiet frå 1925 til 1936, og fylkesmann i Hedmark 1936-53.

Knut Nordanger
Fødd	10. desember 1883 Manger kommune
Død	31. mai 1965 (81 år)
Statsborgar av	Noreg
Parti	Arbeidarpartiet
Yrke	politikar, lærar, embetsmann
Utdanna ved	Stord lærarhøgskule
Alle verv	stortingsrepresentant (1925–1927) stortingsrepresentant (1928–1930) stortingsrepresentant (1931–1933) stortingsrepresentant (1934–1936) fylkesmann i Hedmark (1935–1953)

Liv og gjerning

Nordanger tok eksamen ved lærarskulen på Stord i 1903, og underviste så i Ryfylke, på Høland og på Lillestrøm. Han var i Lillestrøm skulestyrar frå 1919 til -35. I Lillestrøm var han aktiv i lokalpolitikken og var ordførar i to periodar, 1917-19 og 1923-31.

Ved stortingsvalet 1924 fekk Nordanger plass på Stortinget, vald frå Akershus og Arbeidarpartiet. I dei to fyrste tingbolkane, 1925- og 1928-30 var han med i Justiskomiteen, nestformann i den andre bolken. Bolken 1931-33 var han medlem i Kyrkje- og skulekomiteen, samt nestformann i Lovkomiteen. I den siste treårsbolken, 1934-36, var han formann i Kommunalkomiteen.

Nordanger opparbeidde seg stor kunnskap i kommunale spørsmål og var med i ei mengd nemnder og utval. Han gav i 1931 ut bøka De arbeiderstyrte kommuner og skreiv saman med Arnljot Engh Kommunalkommunskap, som kom ut 1936-40.

Nordanger vart i 1935 utnemnd til fylkesmann i Hedmark, eit embete han vart fjerna frå av nazi-styresmaktene i 1942. Han fekk tilbake posisjonen i 1945 og var fylkesmann til 1953.

Kjelder

• Norsk Allkunnebok. VIII. bandet. 1958
• Stortingsbiografi Arkivert 2016-04-06 ved Wayback Machine.