Kurilsk

Kurilsk (russisk Курильск) er ein by i Sakhalin oblast i Russland med om lag 1800 innbyggjarar (2008). Han ligg på øya Iturup i Kurilane, rundt 450 km søraust for Juzjno-Sakhalinsk.

Kurilsk Курильск
Horisonten til
Flagget til Kurilsk Byvåpenet til Kurilsk
Plassering
Styresmakter
Land	Russland
Føderasjonssubjekt	Sakhalin oblast
Grunnlagd Bystatus	1700-talet 1947
Geografi
Innbyggjarar  - Totalt (2008)	1 795
Koordinatar	45°15′N 147°53′E
Tidssone - Ved sommartid	MAGT (UTC+11) MAGST (UTC+11)
Diverse annan informasjon
Postnummer	694530
Retningsnummer (tlf)	424 54

Historie

Staden der dagens Kurilsk ligg var tidlegare ein busetnad av ainuar, som var dei opphavlege innbyggjarane på øyane. Det opphavlege namnet var Sjana, som tyder noko slikt som stor busetnad ved elva sitt nedre løp. Mot slutten av 1700-talet oppstod ein busetnad av russiske kolonistar. I 1800 oppretta Japan ein garnison. I Shimoda-avtalen vart dei sørlege Kurilane lagt under Japan, og landsbyen Shanamura (japansk 紗那村) høyrde fram til slutten av andre verdskrigen i 1945 under det japanske underprefekturet Shana (i dag: underprefekturet Nemuro). Etter krigen kom øyane og Kurilsk under Sovjetunionen, og i 1947 fekk staden bystatus med det noverande namnet.

Økonomi og næringsliv

Kurilsk er sentrum for lakseoppdrett og fiskeindustri. Det finst òg verksemder innan bygningsindustri. I Kurilsk ligg ein seismologisk stasjon og ein tsunami-varslingsstasjon.

Kjelder

• Delar av denne artikkelen bygger på «Kurilsk» frå Wikipedia på bokmål, den 24. januar 2009.