Kvanndal kraftverk
Kvanndal kraftverk er eit vasskraftverk ved Havrevassjuvet aust for Bleskestad i Suldal kommune i Rogaland. Kraftverket blei sett i drift i 1967, og nyttar eit fall på 328 meter frå reguleringsmagasin i Sandvatnet (950-925 moh). Holmavatnet (1 058-1 048 moh), som delvis ligg i Vinje kommune, og Isvatnet (1 301-1 291 moh) er òg magasin. Frå kraftverket blir vatnet sendt i tunnel via Kvanndalsfoss til Suldal II kraftverk. Det er installert éi francisturbin på 40 MW.
Kvanndal kraftverk | |
---|---|
Tekniske data | |
Plassering | Aust av Suldalsvatnet |
Etableringsår | 1967 |
Aggregat | Francisturbin |
Installasjon | 40 MW |
Årsproduksjon | 181 GWh |
Det har blitt gjort utgreiingar på moglege løysningar for bygging av pumpekraftverk i Kvanndal. Grunnen er at det litle magasinet i Kvanndalsfoss ofte får overløp i vårflaumen, sjølv om Kvanndal kraftverk stenger produksjonen og Suldal II går for fullt. Ved å pumpa vatnet opp i Sandvatnet, for så å nytta det på nytt i begge kraftverka, vil ein kunna auka kraftproduksjonen med 30 GWh ved normalflaum.
Kjelder endre
- Denne artikkelen bygger på «Kvanndal kraftverk» frå Wikipedia på bokmål, den 4. juli 2012.
Bakgrunnsstoff endre
- Dagbladet: Kraftens arkitektur
- Hydro: Vannkraftanleggene i Røldal og Suldal[daud lenkje]
- Statkraft
- NVE
- Miljøstatus Suldal Kommune