Kverneland

Kverneland er eit etternamn, slektsnamn og tidlegare stadnamn og gardsnamn. Første ledd i namnet er kvern, og syner til bruk av ei bekkekvern. Namnet Kverneland er kjend gjennom Kverneland Group, verdas største produsent av landbruksutstyr.

Kvernaland, tidlegare Kverneland, er ein matrikkelgard like sør for garden Frøyland, begge ligg ved Frøylandsvatnet i Time kommune. Fyrste gong garden Kvernaland blei nemnt i skriftlege kjelder var i 1567, og då var skrivemåten «Quenneland». Kverneland kan truleg vera eit resultat av danske embetsmenn sin skrivemåte av den lokale uttalen «Kvednaland». Årsaka til at Kvernaland blei «konstruert» som namn på tettstaden var for å ta vare på den gamle lokale uttalen av «Kvednaland». Dette er truleg det nærmast ein kjem den gamle uttalen etter retningslinjene i Lov om stadnamn frå 1990 og medfølgande forskrifter: Forskrift om skrivemåten for stadnamn.

I dag er den lokale uttalen av namnet «Kverneland». Verken «Kvernaland» eller «Kvednaland» er i aktiv bruk i daglegtalen.

Verksemder med Kvernelandsnamnet

• Bilfirmaet Kverneland Bil er grunnlagd av ei grein av familien Kverneland.
• Kverneland Group vart etabert i 1879 av Ole Gabriel Kverneland.
• TKS (Trygve Kverneland & Sønner) en mekanisk landbruksutstyrbedrift.

Personar med etternamnet Kverneland

• Ole Gabriel Kverneland - industrireisar og -leiar
• Steffen Kverneland - teikneserieteiknar

Kjelder

Bibliografi

• Lindanger, Birger; Waula, Jørg Eirik (2003), Time gard og ætt IV, Time kommune