Kvikksølv-ulukka i Kodaikanal
Kvikksølv-ulukka i Kodaikanal fann stad i 2001 i den indiske byen Kodaikanal. Byen vart ramma av ei katastrofeaktig ulukke då ein av Hindustan Unilever sine termometerfabrikkar i området slapp ut giftig kvikksølv på grunn av uforsvarleg lagring.
Fabrikken
endreFabrikken vart opna i 1977 og produserte kvikksølvtermometer for eksport til USA og Europa. Avfallet vart dels dumpa i skogen bak fabrikken, dels selt til ein lokal skraphandlar.[1] Miljøstuftelsen Bellona kritiserte Morselskapet, Unilever for at dei ikkje følgde med i avfallshandteringa til fabrikken. Ei gransking gjort av Det internasjonale atomenergibyrået kunne berre stadfesta at store område i og omkring Kodaikanal var forureina. Innsjøen, skogen, mose og lav.[2][3]
Utsleppet
endreStore område i og rundt Kodaikanal vart forureina. Ei gransking gjort av Det internasjonale atomenergibyrået stadfesta at Kodaikanalsjøen hadde vorte forureina av utslepp av kvikksølv frå ein av Hindustan Unilevers termometerfabrikkar i nabolaget på grunn av uforsvarlig lagring og deponering. I tillegg til prøver av vatnet i innsjøen vart det gjort prøver av mose, lav og skog i området rundt Berijamsjøen som ligg 20 km frå fabrikken. Prøvane viste for høge verdiar av kvikksølv. Prøvar tekne av fisk i Kodaikanal lake viste òg høge verdiar, noko som berre kunne stadfesta utslepp.[4][5][6]
Greenpeace kritiserte morselskapet til fabrikken, Unilever, for at dei tillét praksisen med å dumpa avfallet.[7]
Etterspel
endreTermometerfabrikken forårsaka forurensening med kvikksølv gjennom uforsvarleg handtering av avfallet. Fabrikken vart stengd i 2001 etter 18 års drift. Hindustan brukte betydelege summar på «advokatmat» for å unngå å betala erstatning til tidlegare arbeidarar og familiane deira. Fleire av dei hadde døydd eller vortne invalidiserte som følgje av forgiftinga.
Arbeidarane slutta seg saman og danna ein 559 mannsterk organisasjon, Ex-Mercury Employees Welfare Association, i 2006. Dei saksøkte fabrikken ved høgsteretten i Madras. Organisasjonen ynskte erstatning og eit forslag til rehabilitering, legehandsaming, og eit program på rekning av selskapet for alle som hadde vore tilsett i fabrikken. Dei ønske òg den ansvarlege leiinga straffa. Hindustan Unilever på si side nekta for at skadane, eller at nokon av helseproblema skuldast kvikksølvforgiftning.
- I juni 2007 gav ein ekspertkomite, oppnemnd av høgsteretten i Madras, ei utsegn om at kvikksølvutsleppet var årsak til helseplagene.
- I 2010 kjempa arbeidarane framleis for kompensasjon.
- I november 2011 kom det indiske arbeidsministeriet med ei orsaking der det følgde utsegna til høgsteretten frå 2007.
I mars 2016 blei Hindustan Unilever og 511 av dei tidlegare arbeidarane samde om ei avtale som gjekk ut på ei utbetaling av ukjend storleik mot at arbeidarane trekt tilbake søksmåla sine i Madras High Court og High Court of Justice i London.[8]
Kjelder
endre- ↑ «Unilever Corporate Crimes». Corporate Watch. Henta 5. juni 2007.
- ↑ The Hindu, "Prevent mercury pollution” Arkivert 4. november 2007 på Wayback Machine., (2007-8-23),
- ↑ Studies of mercury pollution in a lake due to a thermometer factory situated in a tourist resort : Kodaikkanal, India, Author(s): KARUNASAGAR D. (1) ; BALARAMA KRISHNA M. V. (1) ; ANJANEYULU Y. (2) ; ARUNACHALAM J. (1) ; Author(s) Affiliation(s) (1) National Center for Compositional Characterization of Materials (CCCM), Bhabha Atomic Research Centre, Department of Atomic Energy, ECIL Post, Hyderabad 500 062, INDE, (2) Jawaharlal Nehru Technological University, Kukkatpally, Hyderabad, INDE Studies of mercury pollution
- ↑ D. Karunasagar; M.V. Balarama Krishna; Y. Anjaneyulu; J. Arunachalam (September 2006). «Studies of mercury pollution in a lake due to a thermometer factory situated in Kodaikkanal» (PDF). Environmental Pollution 143 (1): 153–158. PMID 16412540. doi:10.1016/j.envpol.2005.10.032. Henta 6. juni 2019.
- ↑ «Closed Unilver factory source of Mercury Pollution». Deccan Herald. 17. januar 2004. Arkivert frå originalen 22. februar 2014.
- ↑ «Hindustan Lever Limited Found Guilty again». Greenpeace. 4. februar 2004. Henta 6. juni 2019.
- ↑ «Unilever admits toxic dumping: will clean up but not come clean». Greenpeace. Henta 2. juli 2007.[daud lenkje]
- ↑ Sureshkumar (6. september 2016) [9. mars 2016]. «Kodaikanal mercury poisoning: HUL, ex-staff sign settlement». The Hindu. Henta 6. juni 2019.
- Denne artikkelen bygger på «Kvikksølv-ulykken i Kodaikanal» frå Wikipedia på bokmål, den 1. oktober 2018.