Landegode
Landegode eller Landego er ei øy i Vestfjorden, like nord for Bodø. Øya høyrer til Bodø kommune og har eit areal på 30,3 km². Det høgaste punktet på øya er Rypdalstind på 802 moh. Landegode har 42 innbyggjarar.
| Landegode | |
|---|---|
 Landegode sett frå Rønvikfjellet i Bodø. | |
| Geografi | |
| |
| Stad | Salten |
| Koordinatar | 67°21′46″N 14°19′57″E / 67.36278°N 14.33250°E
|
| Areal | 30,3 km²
|
| Høgaste punkt | Rypdalstind (802 moh.)
|
| Administrasjon | |
| Land |  Noreg
|
| Fylke | Nordland
|
| Demografi | |
| Folketal | 42 |
| Folketettleik | 1,4 /km² |
Øya har ein barneskule på Fenes. Landego skule er den minste skulen i Bodø kommune. Fram til 1963 låg skulen på Kvig og var internatskule, men seinare flytta han til Fenes. Det finst òg daglegvarebutikk og fiskemottak på øya.
Sør på øya går det veg mellom Fenes og Kvig. Vegen var ferdig i 1994. Landegode har hurtigbåtsamband til Bodø.
På holmen Eggløysa like nord for Landegode ligg Landegode fyr. Fyret vart automatisert og avfolka i 1993. På den vesle Bjørnøya like aust for Landegode ligg Bjørnøy fyr. Dette fyret vart nedlagt i 1972.
Skipsforlis
endre
Nordgåande hurtigrute DS «Haakon Jarl» sokk natt til 17. juli 1924 ved Utgrunnsflesa, 6 sjømil nord for Landegode, etter at det hadde kollidert i tåke med sørgåande hurtigrute DS «Kong Harald». 17 menneske omkom i forliset. [1] Arkivert 2006-02-07 ved Wayback Machine.
Nordgående hurtigrute DS «Prinsesse Ragnhild» eksploderte og sokk ved Landegode 23. oktober 1940. Om lag 300 menneske omkom, medan 145 menneske vart redda. Årsaka til eksplosjonen er usikker, men ein meiner skipet kan ha gått på ei undervassmine eller at ammunisjon i lasterommet kan ha eksplodert. [2] Arkivert 2006-02-07 ved Wayback Machine., [3] Arkivert 2006-02-07 ved Wayback Machine.
Bakgrunnsstoff
endre- Artikkel i Avisa Nordland om Landego skole
- Landego skule si nettside Arkivert 2006-08-25 ved Wayback Machine.
- Artikkel i Handelsbladet om Landegode Handel Arkivert 2006-05-28 ved Wayback Machine.
- Norsk Fyrhistorisk forenings side om Landegode fyr
- turliv.no - informasjon og bilder fra Landego fyr, Korten, Fenes, Arkulvika og Sandeidet