Lars Aukrust
Lars Olsson Aukrust (2. oktober 1886–10. januar 1965) var ein norsk skulemann frå Lom i Oppland. Han var far til Odd og Kjell Aukrust, bror til Olav Aukrust.
| Lars Aukrust | |
.jpg) | |
| Statsborgarskap | Noreg |
| Fødd | 2. oktober 1886 Lom kommune |
| Død |
10. januar 1965 (78 år) |
| Yrke | politikar, skuleleiar |
| Språk | norsk |
| Politisk parti | Senterpartiet |
| Lars Aukrust på Commons | |
Lars Aukrust tok eksamen ved Storhove landbruksskule i 1907 og ved jordbruksavdelinga på Noregs landbrukshøgskule i 1911. Perioden 1911-13 underviste han i realfag ved ein folkehøgskule i Østfold. Dei fire år 1914-17 var Aukrust fylkesagronom i Nordre Østerdalen. Samstundes byrja han 30 år virke som dommar for Statens storfeutstillingar på Tynset. Frå 1918 til 1945 var Aukrust styrar på Storteigen landbruksskole i Alvdal.
Eit års tid i 1917-18 arbeidde Aukrust for Selskabet for Norges Vel, ein organisasjon der han sidan var formann i eit Sæter- og beiteutval. I tida 1934-45 var han styremedlem i Selskapet for Norges Vel.
Aukrust melde seg til teneste då Bondepartiet vart skipa. Han var såleis varamann til Stortinget 1922-24 og 1928-30. Hausten 1933 lukkast han vinne fast plass i stortinget, representerte då partiet og Hedmark valperioden 1934-36. Han hadde sete i Universitets- og fagskulekomiteen. Sidan var Aukrust landsstyremedlem i Bondepartiet frå 1938 til -45.