Laurentius

Laurentius er eit mannsnamn med latinsk opphav, og tyder ‘(mann) frå Laurentum’.

Glasmåleri frå 1904 av Sankt Laurentius i Pfarrkirche St. Gangolf, Kluftern, Stadt Friedrichshafen, Tyskland.

Foto: Andreas Praefcke

I Noreg er kortforma Laurits ei vanleg form av namnet. Andre avleidde former er Lorents, Lavrans, Lawrence, Laurent og Lorenzo.

Bruken av namnet i Noreg

• I folketeljinga frå 1801 var 14 personar listeførte med namnet i formene Lanrentius, Larentius, Laurentcieris, Laurentius, Laurentzius
• I 1900 var 106 listeførte med namnet i former som Larensius, Larentsius, Laurenlius, Laurensius, Laurensiuss, Laurenssius, Laurentius, Laurentsius, Laurentzius, Laurenzius, Lauretsius
• I 2008 hadde ingen av skrivemåtane meir enn tre brukarar og kom difor ikkje fram i statistikken frå SSB.

Kjende namneberarar

• motpave Laurentius (d. 506/507)
• Heilage Laurentius (d. 258), helgen, i Noreg også kjend som heilage Lars
• Laurentius Petri el. Petersson (1499-1573), svensk teolog
• Laurentius Nicolai Norvegus (1538-1622), fødd Lauritz Nielssøn, også kjend som «Klosterlasse» og «Pater Norvegus», norskfødd jesuitt og teolog
• Laurentius Paulinus Gothus (1565-1646), svensk teolog
• Laurentius Borchsenius (1772-1844), norsk stortingsmann
• Laurentius Koren (1804-1892), norsk stortingsmann
• Laurentius Borchsenius Stenersen (1843-1921), norsk klassisk filolog og numismatikar

Kjelder

• Olav Veka: Namneboka, Det Norske Samlaget 1991

• Søk etter norsk namnestatistikk for Laurentius hjå Statistisk Sentralbyrå
• Folketeljingar i Digitalarkivet