Liljana Tomova

Liljana Tomova (fødd Liljana Todorova, 9. august 1946) er ein bulgarsk tidlegare friidrettsutøvar som vart europameister på 800 meter i 1974.

Liljana Tomova
Statsborgarskap	Bulgaria
Fødd	9. august 1946 (78 år) Plovdiv
Idrett	friidrett
Tok del i	Sommar-OL 1976

Aktiv

Ho vart bulgarsk meister på 400 m åra 1967-69 og 1972-73. I 1972 vart ho nasjonal meister også på 800 m.

Tomova deltok på 800 m under EM i friidrett 1974 i Roma, ein distanse der landsmannen Svetla Slateva stod som verdsrekordhaldar. Slateva var ikkje med i meisterskapsøvinga, og den bulgarske nasjonale meisteren av året vart utslått i semifinalane. Dermed kom det som ei stor overrasking at gullmedaljen på 800 m likevel skulle gå til Bulgaria. Med tida 1.58,14 sette Tomova personleg rekord og vann ein klar siger føre Gunhild Hoffmeister frå Aust-Tyskland. Fire dagar seinare tok Hoffmeister ein overbevisande siger på 1500 m, medan Tomova tok ein ny medalje då ho slo norske Grete Andersen i kampen om sølvmedaljen.

I 1976 fekk Tomova sølv på 800 m i innandørs-EM, bakom landsmannen Nikolina Sjtereva. Under dei olympiske leikane i Montreal om sommaren same året, rauk ho ut i ein semifinale.

Kjelder

• Denne artikkelen bygger på «Liljana Tomowa» frå Wikipedia på tysk, den 25. august 2014.

Bakgrunnsstoff

• «Lilyana Todorova» (på engelsk). olympedia.org. Henta 14. februar 2023.