Lillian Clausen Mangerøy
Lillian Odny Clausen Mangerøy (fødd 2. februar 1940 på Hjelmås, daud 14. desember 2016)[1][2] var ein norsk forfattar. I forfattarskapen sin kombinerte ho eit frilynt kristent livssyn med eit kvinnepolitisk engasjement.[3]
| Lillian Clausen Mangerøy | |
| Nasjonalitet | Norsk |
| Statsborgarskap | Noreg |
| Fødd | 2. februar 1940 Hjelmås |
| Død |
2016 |
| Yrke | forfattar |
| Periode | 1981- |
| Debut | Berre eit menneskebarn |
Ho debuterte i 1981 med Berre eit menneskebarn,[4] som ho fekk Melsom-prisen for.[5] Handlinga i romanen er lagt til eit bygdemiljø i Nordhordland, og boka skildrar armod, slit og barnemishandling.[3] Den neste boka, Kvinnehuset, kom i 1982, og er om eit kvinnekollektiv i eit pietistisk landsens miljø. I 1984 kom romanen Elisabeth, som eit frittståande framhald til debutboka. Denne fekk ho Sunnmørsprisen for.[4] Nådetid frå 1987 er forfattarskapens høgdepunkt, og litteraturkritikaren og -historikaren Øystein Rottem kalla han «'ein religiøs danningsroman av betydeleg litterær verdi'».[6] Sidan kom romanane Soga om Lena (1992), Heltane (1994) og Sigerstolen (1995).
Mangerøy var busett i Fyllingsdalen.[4]
Bøker
endre- 1981 – Berre eit menneskebarn – roman
- 1982 – Kvinnehuset – roman
- 1984 – Elisabeth – roman
- 1987 – Nådetid – roman
- 1992 – Soga om Lena – roman
- 1994 – Heltane – roman
- 1995 – Sigerstolen – roman
Litterære prisar
endre- Melsom-prisen i 1982 for Berre eit menneskebarn
- Sunnmørsprisen i 1984 for Elisabeth
Referansar
endre- ↑ ««Lillian Clausen Mangerøy»». forfatterkatalogen.no. Henta 24. mars 2012.
- ↑ «BISETTELSER OG BEGRAVELSER I BERGEN». Solstrands Begravelsesbyrå. Henta 1. februar 2017.
- ↑ 3,0 3,1 Øystein Rottem (1998). «Kvinneliv i fortid og nåtid : Fødselsdepresjoner, troløse elskere og tungsindige ektemenn». Norges litteraturhistorie: Vår egen tid : 1980-1998. Oslo: Cappelen. s. 662-663. ISBN 82-02-16426-5.
- ↑ 4,0 4,1 4,2 ««Lillian Clausen Mangerøy»». Nettstaden til Bergen Offentlige Bibliotek. 21. september 2010. Henta 24. mars 2012.
- ↑ Det Norske Samlaget, red. (1993). «Pris- og stipendvinnarar». Jubileumskalender 1993 : Det norske samlaget 1868-1993. Oslo: Det Norske Samlaget. s. 40-42.
- ↑ Øystein Rottem (1998). «Kvinneliv i fortid og nåtid : Fødselsdepresjoner, troløse elskere og tungsindige ektemenn». Norges litteraturhistorie: Vår egen tid : 1980-1998. Oslo: Cappelen. s. 663. ISBN 82-02-16426-5. [«en religiøs dannelsesroman av betydelig litterær verdi»]
Bakgrunnsstoff
endre- Intervju med Lillian Clausen Mangerøy Arkivert 2013-09-25 ved Wayback Machine. på nettstaden til Bergen Offentlige Bibliotek
- Øystein Rottem: «Lillian C. Mangerøy: «Nådetid» : Skyldfølelsens pinebenk» i Fantasiens tiår : tekstens illusjoner og desillusjonens tekster : et utvalg litteraturkritikk 1980-89
- Digitaliserte bøker av Lillian Clausen Mangerøy[daud lenkje] hjå Nasjonalbiblioteket