Live Nelvik
Live Johnsrud Nelvik (fødd 10. desember 1982) er ein norsk programleiar på radio og TV og skodespelar.
| Live Nelvik | |||
_(cropped).jpg) | |||
| Fødd | 10. desember 1982 (42 år) | ||
|---|---|---|---|
| Verka som | programleiar, radioprogramleiar, journalist | ||
| Far | Odd Johan Nelvik | ||
| Ektefelle | Tore Sagen | ||
| Prisar | Gullrutens publikumspris | ||
Ho har tidlegare jobba som journalist i Se og Hør og som reporter i P4-programmet Michael direkte. Saman med Kristine Riis har Nelvik vore programleiar for Drillpikene på NRK P3. Frå 2009 til 2013 var ho saman med Ronny Brede Aase programleiar i P3morgen på same kanal. I 2011 var ho programleiar i TV-programmet Dama til på NRK3. For programmet vart ho kåra til «årets TV-namn» under Gullruten 2012. Frå 2013 har ho vore medverkande i humorprogrammet Underholdningsavdelingen på NRK1. Nelvik er for tida programleiar i den vekentlege P3-programmet Lørdagsrådet.
Den 12. august 2013 var ho attende bak mikrofonen i P3morgen saman med Ronny Brede Aase og Silje Nordnes.
Som skodespelar har ho spelt Maria i filmen Kalle og englene som hadde premiere i 1993, der Helge Jordal og Tom Beck Letessier hadde hovudrollene. Nelvik var deltakar i reality-TV-serien Farmen hausten 2004. Ho hadde ei lita rolle i filmen Hjelp, vi er i filmbransjen.
Ho er dotter av Odd Johan Nelvik som var sjefredaktør i Se og Hør frå 1985 til 2008, og ho er gift med programleiar Tore Sagen.[1]
Kjelder
endre- ↑ «seher.no Forlovet etter ett år». Arkivert frå originalen 22. januar 2012. Henta 18. oktober 2011.
- Denne artikkelen bygger på «Live Nelvik» frå Wikipedia på bokmål, den 10. november 2021.
Bakgrunnsstoff
endre
- Live Nelvik ved The Internet Movie Database (IMDb)