Loppa kyrkje
Loppa kyrkje er ei langkyrkje i tre i Loppa kommune i Finnmark fylke. Ho blei bygd i 1953 og innvigd i 1954. Arkitektar for kykja var Hans Magnus og Johan Lindstrøm d.y.[1] Loppa kyrkje høyrer til Loppa kyrkjelyd og ligg i Alta prosti i Nord-Hålogaland bispedøme.
| Loppa kyrkje | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Finnmark | ||
| Kommune | Loppa | ||
| Kyrkjesamfunn | Den norske kyrkja | ||
| Bispedøme | Nord-Hålogaland | ||
| Prosti | Alta | ||
| Sokn | Loppa | ||
| Fellesråd | Loppa | ||
| Type | Langkyrkje | ||
| Arkitekt | Hans Magnus og Johan Lindstrøm d.y. | ||
| Material | Tre | ||
| Innvigd | 1954 | ||
| Kyrkjegard | Ved kyrkja | ||
| Sitjeplassar | 150 | ||
 Loppa kyrkje 70°20′05″N 21°27′14″E / 70.3348°N 21.454°E | |||
| Wikimedia Commons: Loppa kirke | |||
Kyrkja har 300 sitjeplassar nede i sjølve kyrkjerommet og 30 plassar på galleriet. I eit tilbygg finst ein kyrkjelydsal med endå rundt 100 sitjeplassar. Tilbygget er forbunde med kyrkjerommet med eit sett dobbeltdører ein kan slå opp slik at om lag 400 personar (og 30 på galleriet) kan ta del i kyrkjelege handlingar samstundes.[2]
Kyrkja har for det meste modernistisk prega inventar, men har også noko innreiing frå eldre kyrkjer på staden. Preikestolen frå første halvdelen av 1600-talet er pynta med evangelistar. Altertavla er frå 1607 og viser krossfestinga av Jesus med snodde søyler og utskorne venger. Nordveggen av skipet har eit epitafium frå 1678 som viser sokneprest Torben Gamst og familien hans. Sørsida har eit mindre epitafium frå 1747.[3]
Historie
endreKyrkja blei bygd som ein del av gjenreisinga av Finnmark etter andre verdskrigen; Loppa blei brend hausten 1944 då den tyske okkupasjonsmakten trekte seg ut av fylket.[4] Den nye kyrkja blei innvigd av biskop Alf Wiig den 5. september 1954.[2]
Den førre kyrkja på staden var ei krosskyrkje i tre frå ca. 1742-1745.[5] Delar av inventaret blei redda og finst no dels i den nye kyrkja og dels i Tromsø Museum.[4]
Kjelder
endre- ↑ «Loppa kyrkje». Kirkesøk. Den norske kyrkja.
- ↑ 2,0 2,1 Gamst, Leonhard 1904-1987; Samuelsberg, Harald 1911-1986 (1983). Loppas historie: bygdebok for Loppa kommune. Loppa kommune. s. 384. ISBN 8299096308.
- ↑ Loppa kirke i Kyrkjesøk
- ↑ 4,0 4,1 Dra på Lopphavet frå Digitalt fortalt
- ↑ O. Nicolaissen: Kirker i Nord-Norge : XIII. Kjerringøy kirke. 12-13 : XII. Loppens kirke XIII. Kjerringøy kirke, Tromsø Museum 1920, side 3-14 digital utgave
- Denne artikkelen bygger på «Loppa kirke» frå Wikipedia på bokmål, den 30. juni 2020.
Bakgrunnsstoff
endre- Kyrkjesøk
- «Loppa kirke». Kyrkjesøk. Henta 18. november 2017.
- Loppa kyrkje i kulturminnesok.no, nettstaden til Riksantikvaren