Lunde kyrkje i Sirdal
Lunde kyrke er ei lafta langkyrkje frå 1873 i Sirdal kommune i Agder fylke.
| Lunde kyrkje | |||
| kyrkje | |||
 Foto: Kolbjørn Andersen | |||
| Land |  Noreg
| ||
|---|---|---|---|
| Fylke | Agder | ||
| Kommune | Sirdal | ||
| Kyrkjesamfunn | Den norske kyrkja | ||
| Bispedøme | Agder og Telemark | ||
| Prosti | Lister og Mandal | ||
| Sokn | Sirdal | ||
| Fellesråd | Sirdal | ||
| Periode | Empire | ||
| Arkitekt | H.D.F. Linstow | ||
| Teknikk | Lafteverk | ||
| Material | Tre | ||
| Innvigd | 1. oktober 1873 | ||
| Tårn | I vest | ||
| Kor | Rett avslutta, i same rom som skipet | ||
| Kyrkjegard | Ja | ||
| Preikestol | 1620, måla av Gottfried Hendtzschel 1637 | ||
| Altartavle | 1620, måla av Gottfried Hendtzschel 1637 | ||
| Sitjeplassar | 250[1] | ||
 Lunde kyrkje i Sirdal 58°48′30″N 6°45′48″E / 58.80840806°N 6.76333°E | |||
| Wikimedia Commons: Lunde kirke (Sirdal) | |||
Allereie i 1819 vart det bygd eit kapell på Lunde, øvst i Sirdal. I 1847 vart Lunde kapell godkjent som soknekyrkje ved kongeleg resolusjon av 29. oktober 1847. Og då Sirdal i 1854 vart eige prestegjeld med Tonstad som hovudsokn, vart Lunde kyrkje anneks.
Kyrkja vart bygd etter slottsarkitekt H.D.F. Linstow sine teikningar, slik det vart gjort for mange kyrkjer i Agder og Rogaland. Lunde kyrkje vart den siste av den såkalla rogalandstypen. Kyrkja har mange likskapar med t.d. Helleland kyrkje, Bjerkreim kyrkje og Tonstad kyrkje.
Det var byggmeister Tollak Tollaksen Gudmestad (1800-1881) som fekk ansvaret for bygginga av kyrkja. Han hadde god erfaring, for han hadde bygd 11 kyrkjer frå 1830. Kyrkja er oppført i tømmer og har 250 sitjeplassar. Ho vart vigsla av biskopen i Agder, Jacob von der Lippe, 1. oktober 1873.
Altartavla og preikestolen er frå 1620 og har tidligare stått i Lund kirke på Moi og i Bakke kyrkje. Altartavla skal òg ha stått i det lille kapellet som stod på staden før kyrkja vart bygd. I 1637 vart altartavla måla av Gottfried Hendtzschel. Tavla skal ha blitt måla over fleire gongar: I 1840 vart ho rosemåla og i 1841 måla med fire strøk gråkvit måling og fekk deretter ein gyllen kross i midtfeltet. I 1930 vart altartavla restaurert og fekk attende dei opphavlege fargane frå Hendtzschel si hand.
Sverre Næsheim har laga krossfestingsbiletet (1964) som står i midtfeltet, og det er ein kopi av det som stod i Ogna kyrkje, og som Godtfried Hendtschell hadde måla i 1627. På tavla i midtpartiet i Lunde kyrkje var det opphavleg eit tekstfelt, og der stod Dei ti bodorda.
Orgelet er bygd av Rudolf Janke frå Tyskland i 1983 og har 10 stemmer.
Fotnotar endre
- ↑ Kyrkjesøk
Kjelder endre
- Sirdal kyrkjelyd: Lunde kyrkje
- Alf Henry Rasmussen (1993). «Lunde kirke, Sirdal». Våre kirker. Norsk kirkeleksikon. Kirkenær: Vanebo forlag. s. 453. ISBN 82-7527-022-7.
Bakgrunnsstoff endre
- «Lunde kyrkje i Sirdal». Kirkesøk. Den norske kyrkja.
- Lunde kyrkje i Sirdal i kulturminnesok.no, nettstaden til Riksantikvaren