Lyngen kyrkje
Lyngen kyrkje er ei krosskyrkje i Lyngen kommune i Troms.
| Lyngen kyrkje | |||
| kyrkje | |||
 Foto: Steinar Sneås Skauge | |||
| Land |  Noreg
| ||
|---|---|---|---|
| Fylke | Troms | ||
| Kommune | Lyngen | ||
| Kyrkjesamfunn | Den norske kyrkja | ||
| Bispedøme | Nord-Hålogaland | ||
| Prosti | Nord-Troms | ||
| Sokn | Lyngen | ||
| Fellesråd | Lyngen | ||
| Material | Tre | ||
| Innvigd | 1782 (men teken i bruk tidlegare) | ||
| • Endringar | Rest. 1846 | ||
| Klokker | 3: O. Olsen & Søn (1978) + to eldre | ||
| Kyrkjegard | Ja | ||
| Preikestol | 1846 | ||
| Døypefont | Ragnar Tunes (1952) | ||
| Altartavle | Ezekhiel (1752) | ||
| Orgel | Vestlandske (1968) | ||
| Sitjeplassar | 310 | ||
 Lyngen kyrkje 69°34′32″N 20°13′00″E / 69.5755°N 20.2168°E | |||
| Wikimedia Commons: Lyngen kirke | |||
Historie
endreDet første gudshuset i Lyngen vart bygd på Karnes i 1731, men flytta til Lyngseidet i 1740. Det var tre årsaker til flyttinga. Det var lettare for presten frå Karlsøy å kome til Lyngseidet, samane i Ullsfjord ville få lettare veg til kyrkja, og på Karnes var det mangel på vatn og ved. I 1770-åra vart det bygd ei ny kyrkje som kosta om lag 230 riksdalar. Det gamle kyrkjebygget vart seld for 16 riksdalar.
Fyrst i 1840–1846 fekk kyrkja den utsjånaden ho har i dag. Ein tysk arkitekt ved namn Lydke kom med teikningar for den omfattande ombygginga. Det gamle tårnet frå 1775 som stod midt på kyrkja, vart rive ned, og eit nytt tårnhus med våpenhus, loft, klokketårn og spir vart bygd i den nygotiske stilen. Kyrkjebygget fekk i tillegg fleire sitjeplassar ved at det vart bygd galleri i to høgder. Kyrkja har i dag 310 sitjeplassar. Grunnmuren er frå då krosskyrkja vart påbyrja i 1770, og det tilbygde sakristiet og tårnhuset har fått same type grunnmur som resten av bygningen. Under krigen nytta tyskarane kyrkja som stall. I dag er kyrkja restaurert og er del av eit lite sentrumsmiljø med ein del eldre trehus på Lyngseidet. I 1951 vart eit dåpshus bygd like ved kyrkja. Dåpshuset skulle vere eit varmt venterom for born som skulle døypast. No vert dåpshuset nytta som kontor.
-
Inne i kyrkja -
Preikestolen -
Døypefonten -
Altarpartiet -
Altartavla
Kjelder
endre- Alf Henry Rasmussen, red. (1993). «Lyngen kirke, Lyngen». Våre kirker. Norsk kirkeleksikon. Kirkenær: Vanebo forlag. s. 112. ISBN 82-75-27022-7.
- Emil Larssen (1976). Lyngen bygdebok. 1 : Lyngen prestegjelds historie. Kåfjord kommune. s. 78–90.
- «Lyngen kyrkje». Kirkesøk. Den norske kyrkja.
- Denne artikkelen bygger på «Lyngen kirke» frå Wikipedia på bokmål, den 26. september 2019.
Bakgrunnsstoff
endre- Ronny Trælvik og Lill-Karin Elvestad (2015). Kirkene i Troms I. Bok i Nord. s. 42–49. ISBN 9788293393054.
- Lyngen kirke i «Arkitekturguide for Nord-Norge og Svalbard»
- «Lyngen kyrkje». Kirkesøk. Den norske kyrkja.
- Lyngen kyrkje i kulturminnesok.no, nettstaden til Riksantikvaren
- Lyngen kyrkjelyd om Lyngen kyrkje