Lysstyrke

Lysstyrke for ei lyskjelde i ei gjeven retning er lik forholdet mellom lysstraumen i eit lite romvinkelelement omkring den gjevne retninga og storleiken av romvinkelelementet.

Eininga for lysstyrke er candela (cd) og er ei av grunneiningane i SI-systemet. 1 candela er lysstyrken i ein viss retning frå ei kjelde som sender ut monokromatisk stråling med frekvens 540 · 10¹² hertz og med strålingsstyrke i den gjevne retning på 1/683 watt/steradian.

Bruk

Lysstyrken til monokromatisk lys med ei viss bølgjelengd λ er gjeven av

$I_{\mathrm {v} }=683\cdot {\overline {y}}(\lambda )\cdot I_{\mathrm {e} },$

der

I_v er lysstyrken i candelas (cd),

I_e er strålingsintensiteten i watt per steradian (W/sr),

$\textstyle {\overline {y}}(\lambda )$ er standard luminositetsfunksjon.

Om det finst meir enn ei bølgjelengd (som vanlegvis er tilfelle), må ein summere eller integrere over spekteret av bølgjelengder for å få lysstyrken:

$I_{\mathrm {v} }=683\int _{0}^{\infty }{\overline {y}}(\lambda )\cdot {\frac {dI_{\mathrm {e} }(\lambda )}{d\lambda }}\,d\lambda .$

Sjå òg

• lysmåling

Kjelder

• Denne artikkelen bygger på «Luminous intensity» frå Wikipedia på engelsk, den 22. april 2013.

• lysstyrke. (28.02.2013) I Store norske leksikon. Henta frå: http://snl.no/lysstyrke