Ma'ale Adumim

	Ma'ale Adumim
	معاليه أدوميم, Ma'ale Adummim
	by
	Våpenskjold
	Våpenskjold
	Namneopphav: Raud oppstiging
Land	Vestbreidda
Distrikt	Judea- og Samaria-området
Koordinatar	31°46′30″N 35°17′53″E / 31.77500°N 35.29806°E
Areal	49,177 km²
Folketal	39 200 (2013)
Folketettleik	797 / km²
Grunnlagd	21. september 1975
• Bystatus	1991
Borgarmeister	Benny Kashriel
	; Ma'ale Adumim; 31°46′30″N 35°15′53″E / 31.775°N 35.264722222222°E
	Kart som viser Ma'ale Adumim. Kart som viser Ma'ale Adumim.
	Wikimedia Commons: Ma'ale Adumim

Ma'ale Adumim (hebraisk מעלה אדומים‎, arabisk معاليه أدوميم‎) er ei israelsk busetjing på den okkuperte Vestbreidda. Busetjinga vart etablert i 1976 og fekk bystatus av israelske styresmakter i 1991. Folketalet er 39 200.⁽²⁰¹³⁾ Ma'ale Adumim er den tredje største israelske busetjinga på Vestbreidda og vert, saman med dei andre busetjingane, rekna som ulovleg etter folkeretten. Ma'ale Adumim ligg i Jerusalem-provinsen. Busetjinga ligg nær grensa mellom Israel og Vestbreidda, om lag 6 kilometer aust for Jerusalem, og mange av innbyggjarane er dagpendlarar til Jerusalem.

Dei palestinske styresmaktene reknar Ma'ale Adumim som ei stor hindring for ein framtidig palestinsk stat fordi området truar med å dela det palestinske området i to. Den israelske statsministeren Ariel Sharon sa i 2003 at ein eventuell fredsavtale med palestinarane måtte omfatta at Ma'ale Adumim og andre busetjingar ville verta ein del av Israel.^[1] Ifølgje lekka dokument frå fredsforhandlingane mellom Israel og palestinarane avviste Israel i mai 2008 eit tilbod frå palestinarane om å gi opp mesteparten av Aust-Jerusalem fordi palestinarane ikkje også ville gi opp å få tilbake Ma'ale Adumim og Ariel.^[2]