Makoto Kobayashi
Makoto Kobayashi (fødd 7. april 1944) er ein japansk fysikar som er mest kjend for arbeidet sitt med CP-brot. Han delte halvparten av prispengane frå Nobelprisen i fysikk i 2008 saman med Toshihide Maskawa «for oppdaginga av opphavet til den brotne symmetrien som føreseier eksistensen av minst tre kvarkefamiliar i naturen». Den andre halvparten av prispengane vart tildelt Yoichiro Nambu «for oppdaginga av mekanismane for spontant symmetribrot i subatomær fysikk».
| Makoto Kobayashi
小林 誠 | |||
 | |||
| Fødd | 7. april 1944 (80 år) Nagoya i Japan | ||
|---|---|---|---|
| Statsborgarskap | Japan | ||
| Nasjonalitet | Japan | ||
| Område | partikkelfysikk | ||
| Yrke | teoretisk fysikar, fysikar | ||
| Institusjonar | Universitetet i Nagoya Universitetet i Kyoto High Energy Accelerator Research Organization | ||
| Alma mater | Universitetet i Nagoya | ||
| Doktorgradsrettleiar | Shoichi Sakata | ||
| Medlem | Det japanske akademi | ||
Etter å ha fullført doktorgraden sin ved universitetet i Nagoya i 1972 jobba Kobayashi med forsking som førsteamanuensis på partikkelfysikk ved universitetet i Kyoto. Der arbeidde han for det meste med å forklare CP-brot i standardmodellen for partikkelfysikk. Kobayashi arbeidde frå 1979 ved akseleratoranlegget High Energy Accelerator Research Organization (KEK), der han vart professor i 1989 og professor emeritus i 2006.
I 2008 vart Kobayashi tildelt Japans Order of Culture i ein seremoni som vart heldt på Tokyo Imperial Palace.
Kjelder
endre- «Makoto Kobayashi». Store norske leksikon. 5. oktober 2011.
- Denne artikkelen bygger på «Makoto Kobayashi» frå Wikipedia på bokmål, den 22. februar 2012.
