Mario Matt

Mario Matt (fødd 9. april 1979) er ein austerriksk tidlegare alpin skirennar frå Zams i Tirol som har vunne to VM-gull og eitt OL-gull i slalåm over eit tidsrom på fjorten sesongar, 2001-14. Han vann dessutan eit VM-gull med Austerrike sitt lag i lagtevlinga under alpin-VM 2007. Storslalåmspesialisten Matt har vunne 14 slalåmrenn og ein superkombinasjon i verdscupen i alpine greiner.

Mario Matt

Mario Matt.jpg

Statsborgarskap Austerrike
Fødd 9. april 1979 (44 år)
Flirsch
Idrett alpint
Tok del i

Vinter-OL 2006, Vinter-OL 2014, Alpint under Vinter-OL 2014 – Slalåm menn

Utmerkingar

æresteikn i gull for tenester til den austerrikske republikken

AktivEndra

Matt vann sitt fyrste verdscuprenn den 23. januar 2000, ein månad etter han debuterte i verdscupen. Den 15. desember 2013 steig han til topps på sigerspallen for 15. gong. I alt har han 42 pallplassar etter verdscuprenn. Bortsett frå ein siger i superkombinasjon i 2007 og ein andreplass i storslalåm, har alle pallplasseringane kome i slalåmtevlingar.

Matt har i alle år vore medlem av Ski Club Arlberg og under VM i alpine greiner 2001 i St. Anton am Arlberg vart han verdsmeister i slalåm og tok i tillegg sølvmedaljen i kombinasjonen. I 2007 var han i sitt livs form og sikra seg to VM-gull då VM i alpine greiner 2007 vart avvikla i svenske Åre. Slalåmtevlinga vann han med ein margin på over 1,8 sekundar, og i lagtevlinga fekk han æra av å renne Austerrike inn til siger, etter at Renate Götschl, Fritz Strobl, Michaela Kirchgasser, Benjamin Raich og Marlies Schild hadde lagt eit solid grunnlag for austerriksk triumf.

Etter å ha vorte nummer fire i spesialgreina i VM 2011 i Garmisch-Partenkirchen tok han steget opp på bronseplassen då slalåmtevlinga under VM i alpine greiner 2013 vart arrangert i Schladming. Under Vinter-OL 2014 viste Matt den største favoritten, landsmannen Marcel Hirscher, til sølvplassen i slalåm. Nærare 35 år gammal vart Matt den eldste som har vunne OL-gull i ei alpin skiøving. Han la vekk konkurranseskia i 2015.

KjelderEndra

  • Sportsboken, aktuelle årgangar