Marmorkyrkja
55°41′5.7840″N 12°35′21.797″E / 55.684940000°N 12.58938806°E
| Marmorkyrkja | |||
| Frederikskyrkja | |||
| kyrkje | |||
 Foto: Ib Rasmussen | |||
| Stad | Frederiksstaden i København | ||
|---|---|---|---|
| Arkitekt | Nicolai Eigtved, Nicolas-Henri Jardin og Ferdinand Meldahl | ||
| Material | Marmor | ||
| Innvigd | 19. august 1894 | ||
| • Endringar | 1749–1770 og 1877–1894 | ||
| Kyrkjegard | Det er ikkje kyrkjegard ved kyrkja | ||
| Preikestol | I norsk marmor og teikna av arkitekt Emanuel Monberg | ||
| Døypefont | To døypefontar; ein dåpsengel i bronse av Stephan Sinding og ein marmorfont av Joakim Skovgaard. Døypefonten til Sinding er ikkje nytta lenger og er stilt ut i museet tilknytt kyrkja. | ||
| Altartavle | Altartavle i furu og stukk dekorert som marmor. Teikna av Meldahl og laga av bilethoggar Hans Christian Petersen, staffering av målaren C. N. Overgaard. | ||
| Orgel | Marcussen & Søn-orgel frå 1963 med 51 stemmer | ||
| Sitjeplassar | 900[1] | ||
| Diverse | På takterrassen står det 18 skulpturar i sink og i gatehøgde rundt kyrkja 14 i bronse av danske kyrkjefedre frå Ansgar til Grundtvig og Kierkegaard. | ||
 Marmorkyrkja 55°41′06″N 12°35′22″E / 55.685°N 12.589444444444°E | |||
| Wikimedia Commons: Marmorkirken | |||
Marmorkyrkja (Frederikskyrkja) er ei kyrkje som ligg i Frederiksstaden i København. Kyrkja har ei bygningshistorie på om lag 150 år bak seg. Grunnsteinen vart lagd ned av kong Fredrik V 31. oktober 1749 og ho vart innvigd 19. august 1894.[2]
Kyrkja er bygd i den stilarten som vert kalla historismen, og vart opphavleg planlagd som ein del av Amalienborgaksen med Amalienborgslotta og slottsplassen i Frederiksstaden for å feire fyrstehuset Oldenburgs 300 år på den danske trona.[3]
Nicolai Eigtved hadde det overordna ansvar og leverte sjølv utkast til kyrkja, men ingen av dei blei nytta.[4] Etter at Eigtved dødde i 1754 fekk Laurids de Thurah ansvaret. Han dødde i 1759 og den franske arkitekten Nicolas-Henri Jardin tok då over.[5] Jardin endra dei opphavlege planane og teikna ei klassisistisk kyrkje i norsk marmor. [6] Bygginga tok til og pågjekk i fleire år inntil ho vert stoppa av økonomiske grunnar av Johann Friedrich Struensee i 1770. Byggverket var da 19 meter høgt og blei liggande som ein ruin.
I 1874 kjøpte forretningsmannen Carl Frederik Tietgen ruinen av Finansministeriet og forplikta seg til å fullføre kyrkja. Han engasjerte arkitekt Frederik Meldahl som ut frå det gjenverande skapte ei kyrkje inspirert av Peterskyrkja i Roma.[6]
Referansar
endre- ↑ Kirkehistorie.dk
- ↑ Rids af Marmorkirkens historie Arkivert 2012-04-25 ved Wayback Machine. frå Marmorkyrkjas heimeside
- ↑ Frederiksstaden frå Dansk Arkitektur Center
- ↑ Nicolai Eigtved på Kunstindeks Danmark / Weilbachs Kunstnerleksikon
- ↑ Frederiksstaden Arkivert 2013-12-19 ved Wayback Machine. frå Jens Fleischer: København. Kulturhistoriek opslagsbog med turforslag
- ↑ 6,0 6,1 Marmorkirken frå Dansk Arkitektur Center