Mary Decker

Mary Teresa Decker (fødd 4. august 1958) er ein USA-amerikansk tidlegare friidrettsutøvar som vart verdsmeister både på 1500 meter og 3 000 meter under friidretts-VM 1983 i Helsinki.

Mary Decker
Mary Decker (373) under sommar-OL 1984
Statsborgarskap	USA
Fødd	4. august 1958 (66 år) Flemington, Bunnvale
Idrett	friidrett
Tok del i	Sommar-OL 1996, Sommar-OL 1988, Sommar-OL 1984, VM i friidrett 1983, VM i friidrett innendørs 1997, Panamerikanske leker 1979
Utmerkingar	Bislett-medaljen, Associated Press Athlete of the Year

Aktiv

Gjennom 1982-sesongen sette Decker seks verdsrekordar på ulike løpsdistansar, frå ei engelsk mil opp til 10 000 meter. I juli 1983, under eit stemne i Stockholm, sette ho USA-rekord på 1500 meter med tida 3.57,1, ein rekord som stod i 32 år. Ved den fyrste verdsmeisterskapen i friidrett, i Helsinki i august 1983, vann Decker gullmedaljen på 3 000 meter, etter å ha slått vesttyske Brigitte Kraus og sovjetiske Tatjana Kazankina, dei to andre medaljevinnarane, med eit halvt sekund. Fire dagar seinare tok Decker VM-gull nummer to, då ho heilt på slutten av oppløpssida på 1500-meteren passerte leiande Samira Zajtseva, som stivna og fall over målstreken.

Decker mislukkast under Sommar-OL 1984 på USA-amerikansk heimebane. Året etter sette ho personlege rekordar på 800 meter med 1.56,90, oppnådd i Bern, og i Roma på 3000 meter med tida 8.25,8.

Doping

I 1996 vart Decker i ein test avslørt med for høgt nivå av testosteron og der etter utestengd i to år.

Medaljar og plasseringar i internasjonale meisterskap

• VM 1983 i Helsinki: Gullmedaljar på 1500 m – 4.00,9 og 3000 m – 8.34,6
• OL 1984 i Los Angeles: Braut 3000 m – nr 11
• OL 1988 i Seoul: Nr 8 på 1500 m – nr 10 på 3000 m
• OL 1996 i Atlanta: Utslått på 5000 m og sidan annullert

Kjelder

• Denne artikkelen bygger på «Mary Decker» frå Wikipedia på engelsk, den 5. november 2018.