Max Middleton

David Maxwell «Max» Middleton (fødd 4. august 1946) er ein engelsk låtskrivar og klaverspelar som opphavleg var ein hamnearbeidar på hamna i London. Middleton er mest kjend for å spele Fender Rhodes elektrisk piano, Minimoog-synthesiser og Hohner clavinet. Han byrja den profesjonelle karrieren sin for Jeff Beck og spelar mellom anna på albumet hans Blow by Blow.

Max Middleton
Middleton med Snowy White & The White Flames i Tyskland i 2007
Fødd	4. august 1946 (78 år)
Fødestad	Amersham i Buckinghamshire i England
Fødenamn	David Maxwell Middleton
Opphav	Storbritannia
Aktiv	1966 til i dag
Sjanger	Bluesrock og rock
Instrument	Fender Rhodes piano, Hohner Clavinet, mellotron, elektrisk orgel, synthesizerar
Kjende instrument	Fender Rhodes piano, Hohner Clavinet
Tilknytte artistar	Jeff Beck, The Jeff Beck Group, BBA, Hummingbird, Chris Rea, Kate Bush, Bobby Tench, Nazareth, Cleo Laine, Cozy Powell, Snowy White, Robert Ahwai, Streetwalkers, Mick Taylor
Plateselskap	Epic, A&M, Atco, RCA, RL-2
Verka som	Musikar

Biografi

Middleton gjekk i lære som klassisk pianist, men spelte òg ein del jazz, og spelte i ungdomen i eit band kalla Flare i lag med bassisten Clive Chaman. Han vart kjend med Beck våren 1971, då Beck spelte med Chaman. Middleton var den einaste som var med frå den andre til den tredje versjonen av Jeff Beck Group. Middleton slutta i bandet og vart med i gruppa Gonzales før han igjen kom attende til Beck i 1974. I lag med Beck og andre medlemmar frå Gonzales spelte han på Beck-albumet Blow By Blow, som vart det bestseljande albumet i heile karrieren til Beck, med ein fjerdeplass på den amerikanske albumlista. Middleton spelte òg clavinett på oppfølgjaralbumet Wired.

Etter arbeidet med Jeff Beck eksploderte karrieren til Middleton, og han vart særs travel utover i 1970-åra. Han spelte i the Hummingsbirds i lag med kollegaer frå Jeff Beck Group/Flare, Bob Tench og Clive Chaman, og spelte i studio for alle frå Pete Brown til Kate Bush, og han spelte mykje med Chris Rea i 1980- og 1990-åra.

Kjelder

• Denne artikkelen bygger på «Max Middleton» frå Wikipedia på engelsk, den 13. november 2015.
  • Wikipedia på engelsk oppgav desse kjeldene:
• Bilyeu, Melinda; Cook, Hector; Hughes, Andrew Môn; Brennan, Joseph and Croban, Mark. The Bee Gees: tales of the brothers Gibb. Omnibus Press (2004). ISBN 9781844490578
• Moy, Ron. Kate Bush and Hounds of Love. Ashgate Publishing Ltd (2007). ISBN 978-0-7546-5798-9

Bakgrunnsstoff

• Eder, Bruce Max Middleton ved Allmusic.com