Melody Amber-turneringa i sjakk

Melody Amber-turneringa i blindsjakk og hurtigsjakk har frå 1992 blitt arrangert kvart år i Monte Carlo i Monaco, fram til den i 2008 vart arrangert i Nice i Frankrike. Arrangør og sponsor kunngjorde før turneringa i 2011 at dette vart den siste.

Turneringa blir arrangert med 12 deltakarar, som alle spelar eit parti blindsjakk og eit parti hurtigsjakk mot kvarandre. Det blir premiert separat både for beste samanlagt resultat i blindsjakk og i hurtigsjakk, og for beste resultat totalt i begge disiplinar. (Den første turneringa i 1992 hadde ikkje blindsjakk og var i staden ei dobbeltrundig hurtigsjakkturnering.)

På grunn av dei høge pengepremiane og den uvanlege turneringsforma stiller alle dei beste spelarane i verda opp i turneringa - viss dei er blant dei 12 heldige som blir invitert. Turneringa blir sponsa av den nederlandske milliardæren og verdsmeisteren i fjernsjakk, Joop van Oosterom. Turneringa er kalla opp etter namnet til dottera til van Oosterom. Turneringa blir vanlegvis arrangert i mars.

Magnus Carlsen har deltatt i 2007, 2008, 2009, 2010 og 2011. I 2008 med ein delt andreplass totalt som resultat, i 2009 vart det delt førsteplass i blindsjakken og fjerdeplass totalt,, i 2010 vann han turneringa saman med Vassilij Ivantsjuk, og desse to vann også hurtigsjakken, og i 2011 vart det andreplass totalt, og suveren siger i hurtigsjakken med 9,5 poeng av 11 moglege.

Vladimir Kramnik har flest turneringssigrar med 6, medan Viswanathan Anand har 5.

Vinnarar av turneringa (samanlagt for blind- og hurtigsjakk)

• 1992 Vassilij Ivantsjuk
• 1993 Ljubomir Ljubojevic
• 1994 Viswanathan Anand
• 1995 Anatolij Karpov
• 1996 Vladimir Kramnik
• 1997 Viswanathan Anand
• 1998 Alexei Shirov og Vladimir Kramnik
• 1999 Vladimir Kramnik
• 2000 Alexei Shirov
• 2001 Vladimir Kramnik
• 2002 Aleksander Morozevitsj
• 2003 Viswanathan Anand
• 2004 Aleksander Morozevitsj og Vladimir Kramnik
• 2005 Viswanathan Anand
• 2006 Viswanathan Anand og Aleksander Morozevitsj
• 2007 Vladimir Kramnik
• 2008 Levon Aronian
• 2009 Levon Aronian
• 2010 Magnus Carlsen og Vassilij Ivantsjuk
• 2011 Levon Aronian

Bakgrunnsstoff

• Melody Amber-turneringa i 2006
• Melody Amber-turneringa i 2007
• Melody Amber-turneringa i 2008
• Melody Amber-turneringa i 2009
• Melody Amber-turneringa i 2010

Fotnotar

• Denne artikkelen bygger på «Melody Amber-turneringa i sjakk» frå Wikipedia på engelsk, den 28. juni 2008.