Michael Ben David
Michael Ben David (fødd 26. juli 1996 i Ashkelon) er ein israelsk songar. Han vart kjend i heimlandet då han vinteren 2022 vann den fjerde sesongen av X Factor Israel. Han representerte Israel i Eurovision Song Contest 2022 i Torino i Italia med songen «I.M».
| Michael Ben David | |||
 | |||
| Fødd | 26. juli 1996 (27 år) | ||
|---|---|---|---|
| Fødestad | Ashkelon | ||
| Fødenamn | מיכאל בן דוד | ||
| Opphav | Israel | ||
| Sjanger | pop | ||
| Verka som | songar | ||
Bakgrunn endre
Ben David vart fødd i Ashkelon i Israel som den nest eldste i ein syskenflokk på seks.[1] Mora er russisk-ukrainsk, medan faren er georgisk. Han vaks opp i Petah Tiqwa, aust for Tel Aviv.[1] Allereie på barne- og ungdomsskulen fekk Ben David merksemd for songtalentet sitt og den lyse stemma si, som han ofte vart mobba for av klassekameratane.[2] Som 16-åring kom Ben David ut som homofil, noko den religiøse mora hans brukte lang tid på å akseptere.[1]
Ben David avtente fyrstegongstenesta si i ei hemmeleg eining i det israelske forsvarsdepartementet. Etter militærtenesta studerte han skodespel ved dramaskulen Beit Zvi i Ramat Gan.[2]
Hausten 2021 vart han kjend for eit større publikum då han deltok i den fjerde sesongen av X Factor Israel, den israelske versjonen av X Factor. Han vann til slutt finalen laurdag 5. februar 2022 og sikra seg samstundes moglegheita til å representere Israel i Eurovision Song Contest 2022 i Torino.[3] Han deltok med songen «I.M», skriven av Lidor Saadia, Chen Aharoni og Assi Tal.[4] Songen vart nummer 13 av 18 i semfinalen, og kvalifiserte seg ikkje til finalen.[5]
Kjelder endre
- ↑ 1,0 1,1 1,2 «Michael Ben David will represent Israel at Eurovision 2022 with "I.M" after winning X Factor Israel». wiwibloggs (på engelsk). 5. februar 2022. Henta 6. februar 2022.
- ↑ 2,0 2,1 «(norsk omsetting: «På grunn av stemma mi blei eg misbrukt som barn, kasta i søpla, eg blei slått.») – בגלל הקול שלי התעללו בי בילדות, זרקו אותי לפח, היכו אותי. שנים לא הוצאתי הגה" - וואלה! תרבות». וואלה! (på hebraisk). 2. januar 2022. Henta 6. februar 2022.
- ↑ «Michael Ben-David wins 'The X Factor Israel', will go to Eurovision 🇮🇱». Eurovision.tv (på engelsk). 5. februar 2022. Henta 6. februar 2022.
- ↑ Staff, T. «Michael Ben David picked to represent Israel at Eurovision 2022». www.timesofisrael.com (på engelsk). Henta 6. februar 2022.
- ↑ «Michael Ben David - Israel - Turin 2022». Eurovision.tv (på engelsk). Henta 19. juni 2022.
- Denne artikkelen bygger på «Michael Ben David» frå Wikipedia på bokmål, den 16. desember 2022.